पोखरा विश्वविद्यालय सभाको १४ औं बैठक २०७० भदौ २८ गते शुक्रबारका दिन विश्वविद्यालयका कुलपति एवम् मन्त्रिपरिषद्का सम्माननीय अध्यक्ष खिलराज रेग्मीको अध्यक्षतामा राष्टिय योजना आयोग (हर्क गुरुङ् सभाकक्ष), सिंहदरबार काठमाडौंमा सम्पन्न भएको छ । उक्त बैठकले विश्वविद्यालयको आ.व. २०७०/७१ को वार्षिक कार्यक्रम र कुल ५५ करोड १० लाख ७४ हजारको बजेट पारित गरेको छ ।

पारित बजेटमध्ये पूँजीगततर्फ २४ करोड ४१ लाख ५४ हजार तथा साधारणतर्फ २० करोड ६९ लाख २० हजार रहेको छ ।

पोवि सभाको १४ औं बैठकले पोखरा विश्वविद्यालय शिक्षक कर्मचारीसम्बन्धी नियमावली २०५५, क्याम्पस (महाविद्यालय)÷शिक्षण संस्थाको सम्बन्धनसम्बन्धी नियमावली २०५६ र पोवि छात्रवृत्तिसम्बन्धी नियमावली २०६५ मा केही संशोधन र परिमार्जन गरेको छ । त्यसैगरी केही तहको एमफिल र पिएचडीको उपाधि निर्धारण र स्थापनाका साथै विश्वविद्यालयको रणनीतिक योजना तथा दोस्रो पञ्चवर्षीय कार्ययोजनालाई पनि परिमार्जन सहित पारित गरेको छ ।

पोखरा विश्वविद्यालयका उपकुलपति प्रा.खगेन्द्रप्रसाद भट्टराईले रजिष्ट्रार प्रा.डा. मानबहादुर के.सी. सहित विश्वविद्यालयका अन्य पदाधिकारी, शिक्षक एवम् कर्मचारीहरूको समुपस्थितिमा विश्वविद्यालयको नयाँ केन्द्रीय कार्यालयको २०७० भदौ ७ गते शुक्रबारको दिन विहान ८ बजेको शुभमुहूर्तमा एक समारोहबीच शिलान्यास गर्नुभएको छ ।

यथेष्ट कार्यकक्षहरूसहितको अत्याधुनिक २ तले नयाँ केन्द्रीय भवन लेखनाथ १२ ढुंगेपाटनस्थित ३४ रोपनीको प्लटमा निर्मित हालको केन्द्रीय कार्यालयको सामुन्ने करिब १४ हजार ४ सयको स्क्वायर फुटमा बन्दै छ । उक्त भवनको निर्माणसँगै गार्ड हाउस, पार्किङ्ग स्थल, ल्याण्ड डेभलपमेन्टका साथै केन्द्रीय कार्यालयको प्रवेशद्वारमा नयाँ गेट पनि निर्माण गरिने भएको छ ।

स्कूल अफ ईञ्जिनियरिङ्ग, पोविको डिजाइन कन्सल्टेन्सीमा गौरी पार्वती निर्माण सेवा प्रा.लि. ले करिब ५ करोड ९१ लाखको लागतमा उक्त भवन निर्माणका लागि विश्वविद्यालयसँग ठेक्का सम्झौता गरेको थियो ।

भवन दोस्रो उच्चशिक्षा परियोजनाअन्तर्गत विश्वविद्यालय अनुदान आयोगको जोडकोषमा निर्माण हुँदैछ । परियोजना अवधि ९ महिनाको रहेको उक्त भवनलाई २ वर्षभित्र निर्माण सम्पन्न गर्नेगरी ५ तलासम्म लिफ्टसहित उकास्नका लागि आवश्यक तयारी पनि भइरहेको छ ।

पोखरा विश्वविद्यालय स्कूल अफ बिजनेशले २०७० साउन ३२ गते शुक्रबार एमबिएको फुल टाइम र जब होल्डरमा हालै भर्ना भएका विद्यार्थीहरूलाई एक दिने अभिमुखीकरण कार्यक्रमको आयोजना गर्यो । उक्त कार्यक्रमको प्रमुख उद्देश्य एमबिए कार्यक्रम, ट्राइमेष्टर प्रणाली र त्यसको मुल्याङ्कन बिधि, एमबिए कार्यक्रमको क्षेत्र, माग तथा पाठ्यक्रमका बारेमा नवआगन्तुक विद्यार्थीहरूलाई प्रशिक्षण दिनु रहेको थियो ।

कार्यक्रममा नेपाल उद्योग वाणिज्य संघका पूर्व अध्यक्ष आनन्दराज मुल्मी, मानविकी तथा सामाजिकशास्त्र सङ्काय, पोखरा विश्वविद्यालयका डीन प्रा.डा. इन्द्रप्रसाद तिवारी, व्यवस्थापन सङ्काय, पोखरा विश्वविद्यालयका डीन डा. कर्णवीर पौड्याल, व्यवस्थापन सङ्कायका सहायक डीन डा. दिपकबहादुर भण्डारी, पोखरा विश्वविद्यालय योजना तथा कार्यक्रम महाशाखाका प्रमुख हरिबहादुर खड्का, थ्री सिस्टर नेपालका मानेजिङ् डाइरेक्टर श्रीमति लक्की क्षेत्री लगायत व्यवस्थापन सङ्कायमा अध्यापनरत शिक्षक, कार्यरत कर्मचारीहरू आदिको उपस्थिति रहेको थियो ।

उक्त कार्यक्रमलाई सम्बोधन गर्दै नेपाल उद्योग वाणिज्य महासंघका पूर्व अध्यक्ष एवम् पोखरा विश्वविद्यालय स्थापनाका मुख्य एक अभियान कर्ता आनन्दराज मुल्मीले देशको आर्थिक विकासको प्रयासलाई मजबुत पार्न देशमा सच्चा म्यानेजरहरूको खाँचो खट्किएको औल्याउनु भयो । मुल्मीले म्यानेजमेन्टका विद्यार्थीले ठीक समयमा सहि विचार लिएर जागिरे मनोवृत्तिबाट माथि उठी आफूभित्रको क्षमतालाई प्रस्फुटन गर्नुपर्ने विचार व्यक्त गर्नुभयो । उहाँले विद्यार्थीहरूले कोहि कसैको सिको नगरी आफ्नो भविश्य आफै बनाउने हो भन्नुभयो । मुल्मीले आफ्नो कैरियरलाई बैलैमा छनौट गर्न सकेमा विद्यार्थीको भविष्य सुनिश्चित हुने धारणा समेत राख्नु भयो । अन्य विश्वविद्यालयको दाँजोमा पोखरा विश्वविद्यालयको साख धेरै नखस्के पनि यसले समय अनुसार काउन्सेलिङ्ग गर्न नसकेको उहाँको गुनासो थियो । विश्वविद्यालयमा राजनीति हावी हुँदै गएको उल्लेख गर्दै उहाँले पठनपाठनका सवालमा मात्र विद्यार्थीले आफ्ना आवाजहरूलाई मुखरित गर्नुपर्छ भन्नुभयो ।

कार्यक्रमलाई प्रमुख अतिथिको आसनबाट सम्बोधन गर्दै मानविकी तथा सामाजिकशास्त्र संकाय पोविका डीन प्रा.डा. इन्द्रप्रसाद तिवारीले गुणस्तरीय शिक्षा दिने विश्वविद्यालयको प्रमुख उद्देश्य रहेको उल्लेख गर्दै विद्यार्थीले नयाँ प्रविधिलाई पच्छाउँदै दत्तचित्त र लगनकासाथ पठनपाठनलाई अगाडि बढाउन सकेमा मात्र विजय हासिल गर्न सक्ने बताउनुभयो ।

कार्यक्रममा व्यवस्थापन संकायका डीन डा. कर्णवीर पौड्याले नव आगन्तुक विद्यार्थीबाट विश्वविद्यालयको छवि अझ बढी उकासिने विश्वास व्यक्त गर्नुभयो । उहाँले म्यानेजमेन्टका विद्यार्थीले भविष्यमा एक सफल उद्यमी भई पूर्ण व्यवस्थापकको रूपमा अरूको लागि रोजगारी सिर्जना गरेमा मात्र उनीहरूको लक्ष्य सही हुने धारणा राख्नु भयो ।

कार्यक्रमका अर्का वक्ता व्यवस्थापन संकाय पोविका सहायक डीन डा. दिपकबहादुर भण्डारीले नवआगन्तुक विद्यार्थीहरूलाई हार्दिक स्वागत गर्दै उनीहरूसँग हातमालो गर्दै अगाडि बढ्ने विचार व्यक्त गर्नुभयो ।

त्यस्तै पोखरा विश्वविद्यालय योजना तथा कार्यक्रम महाशाखा प्रमुख श्री हरिबहादुर खड्काले एमबिएमा अध्ययनरत विद्यार्थी र शिक्षकको बीचको दुरी धेरै टाढा नभएकोले शिक्षक र विद्यार्थीमा खासै अन्तर नरहेको धारणा राख्दै उनीहरू नै वास्तवमा हाम्रा पथ प्रर्दशक पनि हुन भन्नुभयो । उहाँले विश्वविद्यालयको भौतिक अवस्था र ह्यूमन रिसोर्स राम्रो भएकोले विद्यार्थीले यसबाट पूर्ण लाभ लिन सक्नेछन् भन्नुभयो ।

अर्का अतिथि थ्री सिस्टर नेपालका मानेजिङ् डाइरेक्टर श्रीमती लक्की क्षेत्रीले सानो, कठिनतम कामबाट कत्तिपनि हरेश नखाई निरन्तर कार्यपथमा लागेमा विद्यार्थीको भविष्य सुनौलो भएको धारणा राख्नुभयो । उहाँले फ्लोरेन्स नाइटिङ्गलजस्ता विश्वप्रसिद्ध व्यक्तित्वहरूको जिवनीबाट हामीले पाठ सिक्नुपर्ने बताउनु भयो ।

कार्यक्रममा व्यवस्थापन संकायका उपप्राध्यापक तथा पाठ्यक्रम विकास केन्द्र, पोविका कार्यकारी निर्देशक श्री राजेशकुमार ठगुराठीले एमबिएको कार्यक्रम, त्यसको पाठ्यक्रम र मूल्यांकन विधिका बारेमा प्रकाश पार्नुभएको थियो ।

साथै स्कूल अफ विजनेश पोविका उपप्राध्यापक श्री दिपकराज पौडेलले विगत वर्षदेखिको विश्वविद्यालयमा एमबिएको उत्पादन, रोजगारी, अवसर र बजारको मागका बारेमा विद्यार्थीलाई प्रकाश पार्नुभएको थियो ।  कार्यक्रममा उपप्राध्यापक एवम् एमबिए कार्यक्रमका कार्यक्रम संयोजक श्री निराजन बमले कार्यक्रमको उद्देश्यमाथि प्रकाशित पार्नुभएको थियो । उक्त कार्यक्रमको सञ्चालन स्कूल अफ बिजनेश, पोखरा विश्वविद्यालयका उपप्राध्यापक श्री दिपाञ्जल श्रेष्ठले गर्नु भएको थियो ।

पोखरा विश्वविद्यालय श्रावण १ गतेदेखि १७ औं वर्षमा प्रवेश गरेको छ । पोखरा विश्वविद्यालय ऐन २०५३ अन्तर्गत वि.सं. २०५४ सालमा पोखरा विश्वविद्यालयको स्थापना भएको थियो । औपचारिक रूपमा २०५४ साल श्रावण १ गतेदेखि कार्य आरम्भ गरेको दिनलाई विश्वविद्यालयले विश्वविद्यालय दिवसको रूपमा मनाउँदै आएको छ ।

विश्वविद्यालयको १७ औं वर्षगाँठको अवसरमा विश्वविद्यालयको हाताभित्र सञ्चालित कार्यक्रममा शुभकामना मन्तव्य दिंदै विश्वविद्यालयका उपकुलपति प्रा. खगेन्द्रप्रसाद भट्टराईले विश्वविद्यालयको मुख्य लक्ष्य भनेको क्वालिटी एजुकेशन हो भन्नुभयो । क्वालिटी भन्ने चिज धेरै कुरासँग गाँसिएको छः कोर्षसँग गाँसिएको छ, क्लासरूम परफर्मसँग गाँसिएको छ, क्यालिटिको एक्जामिनेशनसँग गाँसिएको छ र सँगसँगै क्यालिटी समयसँग पनि गाँसिएको छ भन्दै उपकुलपति भट्टराईले चार वर्षको कोर्ष तपाईले कति वर्ष लगाएर कम्लिट गर्नुहुन्छ ? भन्ने प्रश्न पनि गर्नुभयो । उहाँले क्यालिटी एजुकेशनका लागि एकाडेमिक क्यालेण्डर निर्वाध रूपले सञ्चालन हुनुपर्ने उल्लेख गर्दै एकाडेमिक क्यालेण्डर सहि रूपमा सञ्चालन गर्न नसकेमा र क्वालिटी एजुकेशन दिन नसकेमा विदशी विश्वविद्यालयले सञ्चालन गरेका कार्यक्रमसँग हाम्रा विश्वविद्यालयमा सञ्चालित कार्यक्रमले प्रतिस्पर्धा गर्न कठिन हुने बताउनुभयो । शिक्षासँग कसैले खेलवाड गर्न नहुने उल्लेख गर्दै उपकुलपति भट्टराईले परीक्षाको तालिका सार्ने, समयमा परीक्षा हुन नदिने, समयमा रिजल्ट नहुने र समयमा कोर्ष नसकेमा विद्यार्थी, समाज र राष्ट्र सबैलाई वेफाइदा पुग्ने बताउनुभयो ।

कार्यक्रममा आफ्नो मन्तव्य राख्दै विश्वविद्यालयका रजिष्टार प्रा.डा. मानबहादुर के.सी.ले पोखरा विश्वविद्यालय एउटा अग्रणी शैक्षिक ज्ञानभूमिको रूपमा स्थापित भएर आफ्नो प्रतिष्ठा र आफ्नो विश्वसनियतालाई जोगाउँदै अहिलेसम्म थुप्रै बाधा व्यवधान र थुप्रै कमी–कमजोरीका बावजूद पनि यस क्षेत्रको एउटा शैक्षिक धरोहरका रूपमा अझैपनि खडा रहेको उल्लेख गर्नुभयो । उहाँले विश्वविद्यालय विभिन्न खाले समस्या र चुनौतिबाट गुज्रिरहेको उल्लेख गर्दै विश्वविद्यालयलाई यसको निरन्तरता, यसको इतिहास र गरिमालाई निरन्तरता दिंदै थप जिम्मेवारी प्रदान गर्न कहिकतै चुकेमा हामीलाई समाज र राष्टले स्वीकार नगर्ने बताउनुभयो । रजिष्टार के.सी. ले विश्वविद्यालयमा बढि हावी हुँदै गएका प्रेसर गु्रपहरूले विश्वविद्यालयलाई निर्णायक हैसियमा कार्य गर्न नदिएको उल्लेख गर्नुभयो । उहाँले त्यस्ता प्रेसर ग्रुपहरूले संस्थागत गरिमा, मर्यादा, त्यसको नम्स, स्ट्याण्डर्डलाई यथावत कायम राखेर त्यसभित्रबाट सम्भव हुने खालका सुविधाहरूमा मात्र आवाज उठाउन सान्दर्भिक हुने बताउनुभयो । तर दिनहरू जति जटिल भएपनि, जति परिस्थिति असहज भएपनि तिनलाई सामना गर्नुको विकल्प छैन भन्दै रजिष्टार के.सी. ले तिनलाई सामना गर्न हामी सबैमा फराकिलो दृष्टिकोण, एकताबद्ध खालको समझदारी, इमान्दारिता र कर्तव्यपरायणता हुनुपर्ने उल्लेख गर्नुभयो ।

कार्यक्रममा शिक्षा पुरस्कार २०६९ बाट पुरस्कृत हुनुभएका विश्वविद्यालयका सहायक प्रशासक टोलमाया थापा र कार्यालय सहयोगी नेत्रप्रसाद पौडेललाई नगद, मेडल तथा प्रमाणपत्र दिई सम्मान गरिएको थियो । कार्यक्रममा बोल्दै सहायक प्रशासक टोलमाया थापाले शिक्षा पुरस्कारको लागि विश्वविद्यालयबाट न्यायोचित सिफारिस हुनुपर्ने बताउनुभएको थियो । कार्यक्रममा संकायका डीनहरू, पोविका अन्य पदाधिकारीहरू, निकायका प्रमुखहरू, शिक्षक तथा कर्मचारीहरूको उपस्थिति रहेको थियो ।

पोखरा विश्वविद्यालयले आफ्नो शैक्षिक एवम् प्रशासनिक कार्य क्षेत्र बिस्तार हुँदै गर्दा विश्वविद्यालय सञ्चालन भइरहेको परिसरभित्रै करोडौ मूल्य पर्ने प्रशासनिक एवम् शैक्षिक भवनहरूको निर्माण एवम् बिस्तारलाई पनि निरन्तरता दिँदै लगेको छ ।

विश्वविद्यालयले हालको मौजुदा केन्द्रीय कार्यालय कार्यसम्पादनका लागि साँघुरो हुँदै गएकोले उक्त भवनको मिररसाइडमा करिव ६ (छ) करोड लागत अनुमानको नयाँ केन्द्रीय प्रसासनिक भवनको निर्माणका लागि गौरी पार्वती निर्माण सेवा (प्रा.लि.) सँग सम्झौता सम्पन्न गरेको छ ।

यसै गरी शैक्षिक कार्यक्रमहरुको विस्तार भएअनुरूप मौजुदा शैक्षिक भवनहरू पनि साँघुरा हुँदै गएकोले तिनको विस्तार गर्न विश्वविद्यालयले करिव ३ (तीन) करोडको लागत अनुमानमा मौजुदा मानविकी भवन, पुस्तकालय भवन र हेल्थ सेन्टरमा तला थप गर्ने निर्माण लगायत नर्सिङ्ग कार्यक्रमका लागि सुनौलो खिम्ति कन्स्ट्रक्सन प्रा.लि. र राजेन्द्र निर्माण सेवा प्रा.लि. जेभिसँग पनि हालै सम्झौता गरेको छ ।

साथै विश्वविद्यालयले लेखनाथको मुँसेटुडास्थित जग्गामा स्कूल अफ मेडिकल साइन्सेज अथवा त्यस्तै प्रकारका शैक्षिक भवन निर्माणका लागि साढे ८(आठ) लाखभन्दा बढि पैसा खर्चेर सोइल टेस्ट एवम् जियोटेकनिकल इन्भेस्टिगेशनको पनि कार्य शुआरम्भ गरेको छ ।

On 8th June 2013, Vice Chancellor of Pokhara University Prof.  Khagendra Prasad Bhattarai has inaugurated a four day training program (Training on Health Systems Research (HSR) Methodology ) at IAC, PU. This training program is jointly organized by the Nepal Health Research Council (NHRC), Ramshah Path, Kathmandu & Pokhara University Research Center (PURC), Pokhara University, Lekhanath, Kaski. Forty faculty members from PU and its affiliated colleges are participating in this program. The main objective of this training program is to upgrade the knowledge of participants in HSR methodology.

The program schedule of this training program is as follows:

DAY ONE (8 June 2013)

Time    Activities    Responsible Persons
08:30 – 09:00    Registration with breakfast
09:00- 09:30    Opening Session
Welcome Address by Prof. Dr. BishnuTiwari
Address by Member Secretory NHRC     Dr. SankarPratap Singh
Address By Dean Faculty of Management    Assoc. prof. Dr. karnabeerPaudel
Address By Dean Faculty of Humanities and Social sciences    Prof. Dr. Indra Prasad Tiwari
Address By Registrar, PU    Prof. Dr. Man Bahadur KC
Address by Vice Chancellor, PU    Prof. Kagendra Prasad Bhattarai
Address by Executive Director PURC    Mr. Umesh Prasad Gupta
9:30 – 11:15    Research Idea Generation with Questions    Dr. Rajendra Kumar BC
11:15 – 11:45    Tea / Coffee Break
11:45 – 12:45    Introduction to HSR and its Characteristics    Dr. Rajendra Kumar BC
12:45 – 01:45    Lunch Break
01:45 – 02:45    Identification and Analysis of Re-searchable Problems, and
Priority Areas in HSR    Mr. Naveen Shrestha

02:45 – 03:00    Tea / Coffee Break
03:00 – 04:30    Accessing health information and literature review     Mr. Naveen Shrestha
04:30 – 05:00     General Discussion    Dr. Rajendra Kumar BC
Mr. Naveen Shrestha
Dr. SankarPratap Singh
Mr. Bijay Kumar Jha

DAY TWO (9 June 2013)

Time    Activities    Responsible Persons
09:30- 10:00    Breakfast
09:30 – 11:00    Research Title, Objectives and Hypothesis    Dr. Rajendra Kumar BC
11:00 – 11:15    Tea / Coffee Break
11:15 – 12:45    Variables Identification and Scales of Measurements    Dr. Rajendra Kumar BC
12:45 – 01:45    Lunch Break
1:45 – 3:15    Descriptive Study    Mr. Naveen Shrestha
03:15 – 03:30    Tea / Coffee Break
03:30 – 04:30    Analytical Study    Mr. Naveen Shrestha
04:30 – 05:00     General Discussion    Dr. Rajendra Kumar BC
Mr. Naveen Shrestha
Dr. SankarPratap Singh
Mr. Bijay Kumar Jha

DAY THREE (10 June 2013)

07:30- 08:00    Breakfast
08:00 – 09:30    Intervention Studies     Dr. Rajendra Kumar BC
09:30 – 09:45    Tea / Coffee Break
09:45 – 11:15    Overview of Data Collection Tools and Techniques    Dr. Rajendra Kumar BC
11:15 – 12:45    Overview of Sampling Methods and Techniques    Mr. Naveen Shrestha
12:45 – 01:45    Lunch Break
1:45 – 3:15    Sample Size Calculation    Mr. Naveen Shrestha
03:15 – 03:30    Tea / Coffee Break
03:30 – 04:30    Data Management and Analysis – I     Mr. Naveen Shrestha
04:30 – 05:00     General Discussion    Dr. Rajendra Kumar BC
Mr. Naveen Shrestha
Dr. SankarPratap Singh
Mr. Bijay Kumar Jha

DAY FOUR (11 June 2013)

07:30- 08:00    Breakfast
08:00- 09:30    Data Management and Analysis – II    Mr. Naveen Shrestha
09:30 – 09:45    Tea / Coffee Break
09:45 – 11:15    Ethical Principles and Issues encountered during HSR    Dr. Rajendra Kumar BC
11:15 – 12:15    General Discussion    Dr. Rajendra Kumar BC
Mr. Naveen Shrestha
Dr. SankarPratap Singh
Mr. Bijay Kumar Jha
12:15 – 12:45    Closing Session
    Views from two participants (male and female)
    Certificate distribution
    Closing Remark
12:45 – 01:45    Lunch Break

पोखरा विश्वविद्यालयले परीक्षा समितिको सदस्य पदमा हालै ४ जना महानुभावहरूलाई मनोनयन गरेको छ । पोखरा विश्वविद्यालय परीक्षा सञ्चालनसम्बन्धी नियमावली २०५८ को नियम ४ को उप–नियम १ (ख), (ग), (घ) र (ङ्)  बमोजिम उक्त समितिमा मनोनयन हुनुहुनेहरूमा क्रमशः विज्ञान तथा प्रविधि सङ्कायका डीन डा. सुरेशप्रसाद बास्तोला, ला ग्राण्डी ईन्टरनेशनल कलेज, पोखराका प्रिन्सिपल डा. धनपति न्यौपाने तथा स्कूल अफ बिजनेश, पोखरा विश्वविद्यालयका उपप्राध्यापकद्वय उमेशसिंह यादव र पूर्णबहादुर खाँड हुनुहुन्छ । विश्वविद्यालयका रजिष्टार अध्यक्ष र परीक्षा नियन्त्रक सदस्य–सचिव रहने उक्त समितिमा मनोनित सदस्यहरूको पदावधि २ (दुई) वर्षको हुनेछ ।

पोखरा विश्वविद्यालय विज्ञान तथा प्रविधि सङ्कायको Journal of Health and Allied Sciences, Vol-3, No.1, 2013 नामक जर्नलको मानविकी तथा सामाजिकशास्त्र सङ्कायका डीन प्रा.डा. ईन्द्रप्रसाद तिवारीले विश्वविद्यालयको IAC मा एक समारोहका बीच २०७० जेठ १६ गते बिहिबारका दिन लोकापर्ण गर्नुभयो । उक्त जर्नल विमोचनको कार्यक्रमलाई सम्बोधन गर्दै विश्वविद्यालयका रजिष्टार प्रा.डा. मानबहादुर के.सी.ले विश्वविद्यालय भनेको अध्ययन र अध्यापनको केन्द्र मात्र नभई अनुसन्धान गर्ने केन्द्र पनि भएकोले विश्वविद्यालयको पहिचान र छविको लागि अनुसन्धानात्मक जर्नल सुन्दर ग्रन्थको रूपमा रहेको उल्लेख गर्नुभयो । उहाँले जर्नल प्रकाशन गर्नु निःस्वार्थ भावको एउटा महत्वपूर्ण बौद्धिक अभ्यासको उपयोगी माध्यम भएको कुरालाई समेत प्रष्ट पार्नु भएको थियो ।

कार्यक्रममा बोल्दै मानविकी तथा सामाजिकशास्त्र सङ्कायका डीन प्रा.डा. ईन्द्रप्रसाद तिवारीले प्राध्यापकका ४ काम “पढाउने, अनुसन्धान गर्ने, प्रकाशन गर्ने र शैक्षिक सेवा प्रदान गर्ने” भएको उल्लेख गर्दै यी ४ कामलाई न्यूनतम अध्यापनको मापदण्ड निर्धारण गर्नु आवश्यक रहेको उल्लेख गर्नुभयो । उहाँले विश्वविद्यालयलाई अन्तर्राष्टियस्तरमा चिनाउने एक उपयुक्त माध्यम नै जर्नल भएको उल्लेख गर्नुभयो ।

कार्यक्रममा अनुसन्धान केन्द्रका कार्यकारी निर्देशक उमेशप्रसाद गुप्ता, व्यवस्थापन सङ्कायका सहायक डीन डा. दिपकबहादुर भण्डारी, स्कूल अफ हेल्थ एण्ड एलाईड साइन्सेजका स्कूल निर्देशक डा. निर्मला जमरकट्टेल, प्रा.डा. विष्णुराज तिवारी, उपप्राध्यापकहरू दिपकराज पौडेल, हरि काफ्ले, शुशिल अधिकारीले जर्नलका कमी कमजोरी र उपलब्धीका बारेमा प्रकाश पार्नु भएको थियो ।

कार्यक्रममा स्कूलका प्राध्यापकहरू, कार्यक्रम संयोजकहरू, निकाय एवम् संगठनका प्रमुखहरू आदिको उपस्थिति रहेको थियो ।

On 12th May 2013, Pokhara University Research Center successfully organized the one day workshop on “Proposal Evaluation and Selection Procedure Guidelines” in Hotel Landmark, Lakeside. The inaugural session was chaired by Mr. Umesh Prasad Gupta, Executive Director of PURC and the Vice Chancellor of Pokhara University Prof.  Khagendra Prasad Bhattarai graced the occasion as a chief guest of the ceremony. The occasion marked presence of many distinct heads which included Registrar, Prof. Dr. Man Bhadur KC, Dean, Prof. Dr. Indra Pd Tiwari, The directors from UGC, CEDA, IOM and NAST, heads and office bearers of Pokhara University.

The program was hosted by Mr. Aatish Sambodhvardhan kaundaniyayan, Research Fellow of SHAS. The program started at 9:15 am with a welcome speech from Prof. Dr. Bishnu Pd Tiwari. He welcomed all the dignitaries, guest and participants of the workshop. The inaugural session was marked by speeches from Registrar of Pokhara University, Prof. Dr. Man Bdr KC, Dean of Humanities and Social Sciences, Prof. Dr. Indra Pd Tiwari and Vice Chancellor Prof. Khangendra Pd Bhattarai. All the speakers highlighted the importance of research and its importance for the academic institutions.  Mr. Umesh Gupta, Executive Director opened the Workshop highlighting the importance of guidelines for a research center.  This was followed by prominent presentations from Mr. ArjunThapa, coordinator and lecturer from SDSE and Mr. Deepanjal Shrestha, lecturer from ICT division of Office of The Controller of Examinations.

Mr. Thapa presented the initial background of the research activity and PURC while Mr. Shrestha presented the guideline draft of the workshop. The first session concluded after comments from Prof. Dr Harinder Thapalia, Director of Research Division UGC, Prof Dr. Ram Chandra Dhakal Executive Director of  CEDA, TU, Prof. Dr. Jeevan Bahadur Serchand Director of Research Center IOM , Mr. Ishwar Pd Khanal, Chief, Faculty of Science NAST and Sr. Scientist Dr. Bhoj Raj Pant, NAST.

The second session started after the lunch and all the participants of the workshop were divided in the three groups for finalizing the sub topics namely (I) “Research proposal and progress report format”, (II) “Proposal evaluation criteria” and (III) “Eligibility Criteria and Grant release process of the faculty research grant”. The second session concluded with presentation from Mr. Deepak Raj Paudel, Lecturer, SOB on Proposal evaluation criteria, Mr. Dipendra Yadav Deputy Controller and lecturer presented on the topic Research proposal and progress report format and finally Mr. Nam Raj Dhami presented on Eligibility criteria and grant release process of faculty research grant.  An active participation was seen from the different members of the workshop which leaded to guideline draft finalization and the theme. The workshop concluded at 6:45 pm with vote of thanks from the executive director, PURC.

On October 5, 2012 Pokhara University and Sinawatra University established a formal relationship by signing an MoU at Kathmandu where Her Excellency Thai Ambassador to Nepal Mrs. Kanthong Unakul was also present in the signing ceremony.

As a continuation of this relationship Pokhara University invited the President of Shinawatra University Prof. Dr. Voradej Chandarasorn and his team from Sinawatra University including the Thai Ambassador to visit Pokhara University. On May 1, 2013 PU authorities: Vice Chancellor, Registrar, Deans of different faculties and Executive Director of International Centre welcomed the distinguished guests at Pokhara. During the meeting, discussions were held about the possibility of establishing a Thai Corner in the University Library. Further, the Vice Chancellor emphasized about faculty exchange and also hinted that time has come for both Management Deans office of two Universities to work out seriously to do something concrete regarding the exchange program.

On May 2, 2013 Her Excellency Thai Ambassador to Nepal Mrs. Kanthong Unakul, the President of Shinawatra University Prof. Dr. Voradej Chandarasorn and his team from Sinawatra University visited Pokhara University. The distinguished guests visited the Central Library and the chief librarian brief about the overall management of the library. Apart from this Her Excellency Thai Ambassador to Nepal Mrs. Kanthong Unakul observed the place where the Thai Corner could be established and gave a positive response regarding the establishment of the corner.

After the visit of the library, the team had a meeting in the Korean Information Access Centre where the Dean of Management Studies, Dean of Humanities and Social Science, Director of International Centre, faculties from School of Business and staffs were present. The President of Shinawatra University assured to provide two scholarship quotas for Ph.D. programs. Furthermore, the President emphasized to start faculty exchange program in the area of Finance and Accounting as soon as possible.

The Director of Admission and Development Department, Tanarat Teeratanakiat from Shinawatra University presented about Shinawatra University academic programs and its overall management. Thereafter the team had a meeting with the Vice Chancellor and Registrar of Pokhara University. The Vice Chancellor emphasized for launching a Thai Corner. Finally, the Vice Chancellor was with the opinion that two way frequent visit would be more fruitful for exploring more areas of cooperation.

पोखरा विश्वविद्यालयका उपकुलपति प्रा. खगेन्द्र प्रसाद भट्टराईले एकाडेमिक रूपमा सङ्कायको डीन पद अत्यन्तै महत्वपूर्ण रहेको उल्लेख गर्दै उक्त पदमा आसिन हुने जो कोहिको पनि सङ्कायको स्तरवृद्धिका लागि महत्वपूर्ण जिम्मेवारी र दायित्व रहने भएकोले त्यसमा आफ्नो कुनै हस्तक्षेप नरहने उल्लेख गर्नु भएको छ । उहाँले उक्त विचार पोखरा विश्वविद्यालयको व्यवस्थापन सङ्कायको डीन पदमा हालै नियुक्त हुनु भएका डा. कर्णवीर पौड्याललाई विश्वविद्यालय प्राङ्गणमा आज (२०६९ चैत्र २८ गते बुधबार) एक समारोहबीच स्वागत एवम् बधाई दिँदै बताउनु भएको हो । उपकुलपति भट्टराईले विश्वविद्यालयको सङ्कायलाई कसरी परिचालन गर्ने, कार्यक्रमलाई कसरी विस्तार गर्ने, गुणस्तरमा कसरी अभिवृद्धि गर्ने, समाजको मागलाई कसरी परिपूर्ति गर्ने आदि यावत विषय सङ्कायको कार्यक्षेत्र भित्र रहने भएकोले ती विषयमा देखा परेका हरेक चुनौति र अवसरलाई सम्बन्धित डीनले नै सम्बोधन गर्नुपर्छ भन्नुभयो ।

उहाँले विश्वविद्यालयको अध्ययन र अनुसन्धान विषयलाई सँगसँगै लैजानुपर्ने, स्नातकतहका हरेक कार्यक्रमलाई स्नातकोत्तरतहमा पनि सञ्चालन गर्ने, एमफिल र पिएचडिका कार्यक्रम सञ्चालन गर्ने तथा विश्वविद्यालयमा एक मेडिकल कलेज खोल्ने विश्वविद्यालयको नीति रहेकोले सबैले कलेक्टिभ रेस्पोन्सिबिलिटिमा भोलिको काम आज र आजको काम अहिलेनै गर्ने परिपाटी विकसित गनुपर्ने खाँचो औल्याउनुभयो । विश्वविद्यालय भनेको कर्मचारी, शिक्षक एवम् विद्यार्थीको समष्टिरूप हो भन्दै तिनीहरूको सेवा, सुविधा र अधिकारलाई विश्वविद्यालयले उच्च मूल्याङ्कनका साथ कदर गरेको उल्लेख गर्दै उपकुलपति भट्टराईले विश्वविद्यालयको परीक्षालाई समयसापेक्ष रूपमा सञ्चालन गर्न विश्वविद्यालय कटिबद्ध रहेको उल्लेख गर्नुभयो । उहाँले विदेशीने विद्यार्थीलाई स्वदेशमानै पढ्ने वातावरण सिर्जना गरी राष्टिय दायित्व निर्वाह गर्नु पनि विश्वविद्यालयको कर्तव्य भएकोले सम्बन्धित विषयलाई लक्षित गरेर सम्बन्धन खुलाइएको सो अवसरमा जानकारी दिनुभएको थियो ।

कार्यक्रम मानविकी तथा सामाजिकशास्त्र संकायका डीन प्रा.डा. इन्द्रप्रसाद तिवारीले नवनियुक्त डीनलाई स्वागत गर्दै समुच्च रूपमा विश्वविद्यालयको पठनपाठनलाई उच्चतहसम्म पु¥याउन विश्वविद्यालयले कार्यक्रम विस्तार गरी गुणस्तरमा अभिवृद्धि गर्नुपर्ने उल्लेख गर्नुभयो । उहाँले समयसापेक्ष रूपमा मेकानिकल विषयमा, अर्थशास्त्रमा कार्यक्रम विस्तार गर्दै शिक्षकको वृत्ति विकास, सेवा सुविधालाई पनि विश्वविद्यालयले सम्बोधन गर्नुपर्ने विचार व्यक्त गर्नुभयो ।

विज्ञान तथा प्रविधि सङ्कायका डीन डा. सुरेश प्रसाद बास्तोलाले आफू विश्वविद्यालयमा नयाँ इतिहास कोर्ने लक्ष्यका साथ अगाडि बढेको उल्लेख गर्दै यसका लागि एउटा मेडिकल कलेज अस्पताल खोल्ने, स्नातकतहका कार्यक्रमको स्तरवृद्धि गर्ने, पाठ्यक्रम रिभाइज गर्दै विश्वविद्यालयले आफ्नो आकारलाई बढाउँदै लैजानुपर्ने विचार व्यक्त गर्नुभयो । डीन बास्तोलाले नयाँ कलेजलाई सम्बन्धन दिँदा विषय एक्सपर्टसँग सल्लाह नगरी नयाँ सम्बन्धन दिनु उचित नहुने विचार व्यक्त गर्नुभयो ।

कार्यक्रममा नवनियुक्त डीन डा. कर्णवीर पौडेलले सङ्कायलाई स्वतन्त्र रूपमा कार्य गर्न दिनुपर्ने उल्लेख गर्दै सङ्कायको संलग्नता र सिफारिसबीना विश्वविद्यालयले नयाँ सम्बन्धन दिन नहुने तर्क राख्नुभयो । विद्यार्थी भर्ना, प्रवेश परीक्षालाई सङ्कायको मातहतभित्र नै सञ्चालन गर्नुपर्ने, सिम्याटको परीक्षालाई केन्द्रिकृत गर्नुपर्ने, क्यालिटि एस्यूरेन्स, करिकुलम रिभिजन समयसापेक्ष हुनुपर्ने, सङ्कायका कामकारवाहीमा कार्यकारी परिषद्ले हस्तक्षेप गर्न नहुने उल्लेख गर्दै डा. पौड्यालले सङ्कायलाई निर्भिक भएर कार्य गर्न ऐन, नियम, विनियममा अवरोध भएमा तिनको समेत संशोधन र बाधा अड्काउ फुकाउनुपर्ने विचार व्यक्त गर्नु भयो । आफूले सबैको सहयोग पाएमा सङ्कायको सबलीकरणमा महत्वपूर्ण भूमिका खेल्ने उहाँको विचार थियो ।

परीक्षा नियन्त्रक बलराम भट्टराईले विश्वविद्यालयमा जो कोहि जुनसुकै ढोकाबाट प्रवेश गरेपनि विश्वविद्यालयको हितलाई केन्द्रविन्दुमा राखेर बिग एण्ड बेटरको धारणाले सबैले कार्य गर्नुपर्ने विचार व्यक्त गर्नुभयो ।

पोखरा विश्वविद्यालय प्राध्यापक संघका अध्यक्ष पूर्णबहादुर खाँडले विश्वविद्यालयमा सबैले आस्थाको लागि नभई निरपेक्ष ढंगले विश्वविद्यालयको हितलाई अगाडि राखेर कार्य गर्नुपर्ने, सबैले आफ्नो कार्यक्षमतालाई सामान्य गतिबाट तिव्रगतिमा लैनानुपर्ने, परीक्षा तथा डीन कार्यालयको क्षमता बढाउनुपर्ने, करार प्राध्यापकको सेवाको सुरक्षा गरिनुपर्ने, शिक्षक तथा कर्मचारीको सेवा सुविधालाई समयानूकुल वृद्धि गर्दै लैजानुपर्ने र तिनीहरूलाई आवासको पनि विश्वविद्यालयले व्यवस्था गर्नुपर्ने विचार व्यक्त गर्नुभयो ।

कार्यक्रममा बोल्दै कर्मचारी संघका अध्यक्ष रविन्द्र प्रसाद बरालले विश्वविद्यालकाय पदाधिकारीहरू आग्रह, पूर्वाग्रहमा नलागी कार्य गर्नुपर्ने र विश्वविद्यालयले गरेका हरेक वार्ता सम्झौताका बुँदाहरूलाई गम्भिर भएर लागूगर्नुपर्ने विचार व्यक्त गर्नुभएको थियो । केन्द्रका निर्देशकहरू, सङ्कायका सहायक डीनहरू, स्कूलका निर्देशकहरू, कार्यक्रम संयोजकहरू, शिक्षक, कर्मचारी तथा विद्यार्थीहरू उपस्थित उक्त कार्यक्रमको सञ्चालन सहायक प्रशासक रजनी के.सी. ले गर्नुभएको थियो ।

पोखरा विश्वविद्यालयको व्यवस्थापन सङ्कायको डीन पदमा पृथ्वीनारायण क्याम्पस, पोखराका सह–प्राध्यापक डा. कर्णवीर पौड्याल नियुक्त हुनु भएको छ । पोखरा विश्वविद्यालय कार्यकारी परिषद्को २०६९ चैत्र २३ गते शुक्रबार बसेको बैठकले उहाँलाई पोखरा विश्वविद्यालय ऐन २०५३ को दफा २७ (२) बमोजिम ४ वर्षका लागि उक्त पदमा नियुक्ति गरेको हो । उहाँ पोखरा विश्वविद्यालयमा यस अघि परीक्षा नियन्त्रक पदमा वि.सं. २०६४ मङ्सीर २४ गतेदेखि २०६८ मङ्सीर २३ गतेसम्म कार्यरत रही ४ वर्षे सेवा अवधिबाट सेवा निवृत्त हुनु भएको थियो ।

                                                                          डा. कर्णवीर पौड्याल

                                                                          ई. बुद्धिराज जोशी

यसै गरी शुक्रबार बसेको कार्यकारी परिषद्को बैठकको निर्णयानुसार स्कूल अफ ईञ्जिनियरिङ्ग, पोखरा विश्वविद्यालयका बिई सिभिल कार्यक्रमका कार्यक्रम संयोजक ई. बुद्धिराज जोशीलाई अर्को व्यवस्था नभएसम्मका लागि उक्त स्कूलको स्कूल निर्देशकले गर्ने भनि तोकिएको कार्य गर्न थप जिम्मेवारी पनि दिइएको छ ।

April 3, 2013. A delegation of dignitaries from Emilio Aguinaldo College Manila, Philippines visited Pokhara University and had interaction with Pokhara University officials. The delegation was led by Dr Jose P Campos, President Emilio Aguinaldo College who was also an Honorary Counsel of Nepal for the Republic of the Philippines. Dr Valentino Baac, Vice President of Emilio Aguinaldo College who was also the Director for International Affairs and Dr Sergio Paguio, Dean School of Medicine, Emilio Aguinaldo College were accompanying him on the occasion.

In the interaction program Mr. Purna Chandra Sharma, Director, International relation, Pokhara University welcomed the guests whereas Dr. Suresh Prasad Bastola, Dean, Faculty of Science and Technology presented the overview of science and technology programs in Pokhara University followed by the presentation by Dr Jose and his team about the Emilio Aguinaldo College Manila. Then the officials of both institutions had bilateral discussions which concluded in the agreement of having academic relationships like student and faculty exchanges, research and development activities. Finally, Prof Dr Padam Bahadur Sahi, Assistant Dean, Faculty of Science and Technology, Pokhara University bided the vote of thanks.

The interaction program was emceed by Assoc. Prof G M Khan, Pokhara University whereas Prof Dharma Raj Shrestha, Prof Bishnu Raj Tiwari, Mr Niraj Chaudhary,  Mrs. Kalpana Regmi, Mr Nabaraj Pandey, Mr. Manoj Singh, Mr. Sunil Regmi and Mr. Lok Prasad Dhakal from Pokhara University were also amongst the participants in the interaction program. Program was held in Information Access Center(IAC), Pokhara University, Lekhnath, Kaski, Nepal

Handong Global University, Pohang, Korea को अग्रसरता  र UNESCO UNITWIN Ministry of Education, Republic of Korea  प्रायोजनमा पोखरा विश्वविद्यालयको  Information Access Center (IAC) मा Capacity Building for Small & Medium-sized Enterprises  नामक विषयमा विश्वविद्यालयका पदाधिकारी र स्कूल अफ बिजनेश, पोविका प्राध्यापकहरूको समुपस्थितिमा एमबिएमा अध्ययरत विद्यार्थीहरूलाई  Handong Global University  का ३ जना प्राध्यापकहरूले २०६९ चैत १५ गते कक्षा लिनुभयो । उक्त विश्वविद्यालयका  Prof. Dr. Daiyon Cho  ले Information Technology for Business in Digital Era  को बारेमा, Prof. Dr. Kee-Seon Yoo ले Global Challenges and Roles of CEO को बारेमा र Prof. Dr. Jinwon Ahn ले Korean Economic Development: Its Secrets and More  को बारेमा कक्षा लिनु भएको थियो ।

Handong Global University  को उक्त टोलीले विश्वविद्यालयका उपकुलपति प्राध्यापक खगेन्द्रप्रसाद भट्टराईसँग नेतृत्व विकासको क्षेत्रमा संयुक्त कार्यक्रम सञ्चालन गर्ने विषयमा उपकुलपतिको कार्यकक्ष लेखनाथमा संक्षिप्त विचार विमर्श पनि गरेको थियो ।

पोखरा विश्वविद्यालयको व्यवस्थापन संकायको डीन पदमा कार्यरत प्रा.डा. गीता प्रधान २०६९ चैत्र १ गतेदेखि सेवा निवृत्त हुनुभयो । उहाँ वि.सं. २०६५ चैत्र २ गते उक्त पदमा ४ वर्षका लागि नियुक्त हुनुभएको थियो । डीन पदबाट सेवा निवृत्त हुनुभएका प्रधानलाई विश्वविद्यालयले चैत्र ४ गते एक औपचारिक कार्यक्रमको आयोजना गरी बिदाइ गर्यो ।

उक्त बिदाइ कार्यक्रमलाई सम्बोधन गर्दै पोखरा विश्वविद्यालयका उपकुलपति प्रा. खगेन्द्रप्रसाद भट्टराईले बिदाइ शब्द त्यति राम्रो नलागे पनि निश्चित सेवा अवधि पुरा गरी बिदाइ हुनु भएका प्रा.डा. गीता प्रधानले विश्वविद्यालयमा रही इमान्दारीपूर्वक कर्तव्यनिष्ठ भएर आफ्नो जिम्मेवारी पुरा गर्नुभएको उल्लेख गर्नुभयो । उपकुलपति भट्टराईले आर्थिक लेनदेन, मितव्ययीता एवम् विश्वविद्यालयको स्ट्रक्चर आदिमा सुधार ल्याउने विषयमा उहाँले धेरै गृहकार्य गर्नुभएको र ती सबै सकारात्मक पाठको रूपमा सबैले लिनुपर्ने बताउनुभयो ।

उक्त बिदाई कार्यक्रममा आफ्नो मन्तव्य राख्दै प्रा.डा. गीता प्रधानले पोखरा विश्वविद्यालयमा रही कार्य गर्दा सबैको सकारात्मक सहयोग पाएको उल्लेख गर्दै विश्वविद्यालय जस्तो वृहत निकायमा समूह बनाएर कार्य गर्न सके विश्वविद्यालयले अपेक्षित फड्को पार गर्न सक्ने आफूलाई अनुभूति भएको विचार व्यक्त गर्नु भयो । उहाँले विश्वविद्यालयको हितका लागि बन्द हड्ताल सबैले सधंैका लागि बन्द गरी विश्वविद्यालयको शैक्षिक पात्रोलाई नियमित गर्नुपर्ने बताउनु भयो । स्वदेशमा विदेशी विश्वविद्यालयहरूको सम्बन्धन भित्रिने क्रम बढ्दै गएको उल्लेख गर्दै प्रा.डा. गीता प्रधानले प्रतिस्पर्धामा जान पनि शैक्षिक पात्रोलाई नियमित गरे मात्र सम्भव रहेको उल्लेख गर्नु भयो । उहाँले विश्वविद्यालयलाई दक्षिण एसियाको नमूना विश्वविद्यालयको रूपमा चिनाउन अध्यापन र कार्यरत शिक्षक कर्मचारीको वृत्ति विकास र सुविधामा विश्वविद्यालयले विशेष ध्यान दिनु जरूरी छ भन्नु भयो । बिदाइ कार्यक्रममा प्रा. डा. गीता प्रधानलाई मायाको चिनो प्रदान गरिएको थियो । कार्यक्रममा निकायका प्रमुखहरू, कार्यक्रम संयोजकहरू आदिको उपस्थिति रहेको थियो ।