नेपाल बैंकर्स संघ तथा पोखरा विश्वविद्यालय स्कूल अफबिजनेसबीच सम्झौतापत्रमा हस्ताक्षर

काठमाडौं । नेपाल बैंकर्स संघ तथा पोखरा विश्वविद्यालय स्कूल अफबिजनेसबीच सम्झौतापत्रमा हस्ताक्षर भएको छ । सो सम्झौतापत्रमा संघका अध्यक्ष श्री ज्ञानेन्द्र प्रसाद ढुंगाना तथा पोखरा विश्वविद्यालय स्कूलअफ बिजनेसका निर्देशक डा. रविन्द्र धिमिरेले हस्ताक्षर गरे । उक्त सम्झौताले दुवै संस्थाबीच वित्तीय साक्षरताका कार्यक्रमहरु ग्रामिण भेगमा अगाडि बढाउन सहयोग मिल्नुका साथै आगामी दिनहररूमा यसले वित्तीय साक्षरता तथा बैंकिङ्ग प्रवर्धनमा सकारात्मक परिवर्तन ल्याउने अपेक्षा गरिएको छ ।
विश्वविद्यालयमा अध्यनरत विद्यार्थीहरुले वाणिज्य बैंकहरूसँगको सहकार्यमा ग्रामिण क्षेत्रमा गई वित्तीय साक्षरता बढाउनुका साथै बैंकिङ्ग कारोवारका लागि उत्प्रेरित गर्नेछन् । यस अभियानले नेपाल सरकारले ल्याएको “खोलौं बैंक खाता अभियान” लाई समेत ठूलो मद्दत गर्ने अपेक्षा राखिएको छ ।

Sharing is caring!