२०७५ असार ९, पोखरा लेखनाथ ।

पोखरा विश्वविद्यालयको १९ साधारण सभाको बैठक सम्माननीय प्रधानमन्त्री एवम् पोखरा विश्वविद्यालयका कुलपति के.पि. शर्मा ओलीको अध्यक्षतामा २०७५ साल असार २० गते बुधबारका दिन विहान ११ः०० बजे पोखरा विश्वविद्यालयको सभाकक्ष लेखनाथ, कास्कीमा बस्ने भएको छ । पोखरा विश्वविद्यालय ऐन २०५३ को दफा ८(२) अनुसार बस्ने उक्त सभामा उपकुलपति प्रा. चिरञ्जीवी शर्माले विश्वविद्यालयको १८ औं सभाले पारित गरेका प्रमुख कार्यक्रमहरूको प्रगति समिक्षा र आर्थिक वर्ष २०७५/०७६ को नीति तथा कार्यक्रम प्रस्तुत गर्नु हुनेछ भने रजिष्ट्रार गोविन्द प्रसाद शर्माले आर्थिक वर्ष २०७४/७५ को प्रगति समिक्षा र आय–व्ययको यथार्थ विवरण तथा आर्थिक वर्ष २०७५/०७६ को बजेट प्रस्तुत गर्नु हुनेछ ।

Announcement and Invitation for Orientation Workshop

पोखरा विश्वविद्यालयले हालै स्वतन्त्र विद्यार्थी युनियन (स्ववियु) को निर्वाचनबाट निर्वाचित भएका पदाधिकारीहरूलाई शपथ ग्रहण तथा पदस्थापन गराएको छ । विश्वविद्यालयमा २०७५ बैशाख ५ गते बुधबार आयोजित एक कार्यक्रमबीच पोखरा विश्वविद्यालयका उपकुलपति प्रा. चिरञ्जीवीप्रसाद शर्मा र रजिष्ट्रार गोविन्दप्रसाद शर्माले नवनिर्वाचित स्ववियु पदाधिकारीलाई बधाई तथा शुभकामनासहित खादा र अबिर लगाई सम्मान प्रदान गर्नुभएको थियो । कार्यक्रममा निर्वाचन अधिकृत सह–प्राध्यापक राजेशकुमार ठगुराठीले विजयी पदाधिकारीहरूलाई प्रमाणपत्र प्रदान गरी पद तथा गोपनियताको शपथ दिलाउनु भएको थियो ।

गत चैत्र २१ गते सम्पन्न स्ववियु निर्वाचनबाट स्ववियु सभापतिमा ई. सुनिल तिमिल्सेना, उपसभापतिमा प्रतिक्षा गैरे, सचिवमा सुरज परियार, सह–सचिवमा होमेन्द्र यादव, कोषाध्यक्षमा प्रकृति दवाडी र सदस्यहरूमा–आशिष के.सी., घनश्याम डुम्रे, नरेश खनाल, विनोद बुढा, यमुना क्षेत्री, सन्देश तिमिल्सेना, गणेश रिमाल, सरोज शाह, ईश्वरलाल कर्ण, बसन्त श्रेष्ठ, आश्रिता सुवेदी, उज्वल चापागाई, विष्णु सुवेदी र सुभाष खड्का निर्वाचित भएका थिए । १९ जनाको स्ववियु कार्यसमितिमा सभापति, उपसभापति, सचिव, सहसचिव, कोषाध्यक्षसहित अनेरास्ववियुका १३ जना, नेविसंघका ५ जना र अनेरास्ववियु (क्रान्तिकारी)का १ जना सदस्य रहेका छन् ।

शपथ ग्रहण तथा पदस्थापन कार्यक्रममा उपकुलपति, रजिष्ट्रार लगायत निर्वाचन अधिकृत सहप्राध्यापक राजेशकुमार ठगुराठी, उपप्राध्यापकद्वय योगराज लामिछाने र हेमचन्द्र चौलागाई तथा नवनिर्वाचित स्ववियु सभापति ई. सुनिल तिमिल्सेनाले स्ववियुको कार्यक्षेत्र, विद्यार्थी हकहित तथा विश्वविद्यालयका समस्या र निकासका बारेमा आ–आफ्नो विचार व्यक्त गर्नुभएको थियो ।