पाठ्यक्रम विकास केन्द्रद्वारा कार्यशाला गोष्ठी आयोजना
२०७८ साल मंसिर १७ गते शुक्रबार, पोखरा–३०, कास्की ।
पोखरा विश्वविद्यालय पाठ्यक्रम विकास केन्द्रद्वारा यहि मंसिर ९ र १० गते BNS कार्यक्रम अन्तर्गत तेस्रो वर्षको Evaluation Tools निर्माण गर्नका लागि दुई दिने कार्यशाला गोष्ठीको आयोजना गरियो । उक्त गोष्ठी काठमाडौंको नारायणहिटीपथमा रहेको होटेल ल्याण्डमार्कमा सम्पन्न भएको थियो । गोष्ठीमा स्वास्थ्य विज्ञान संकायका डीन डा. अमर नागिला, पाठ्यक्रम विकास केन्द्रका कार्यकारी निर्देशक डा. पूर्ण बहादुर खाँड, नर्सिङ्ग विषय समितिका अध्यक्ष तथा त्रिभुवन विश्वविद्यालय महाराजगञ्ज क्याम्पसका क्याम्पस प्रमुख प्रा. चन्द्रकला शर्मासहित पोखरा विश्वविद्यालय तथा अन्य विश्वविद्यालयका विज्ञहरू, आङ्गिक तथा सम्बन्धनप्राप्त महाविद्यालयहरूका शिक्षक तथा कर्मचारीहरूको उपस्थिति रहेको थियो ।
पोखरा विश्वविद्यालय स्थापनाका एक सक्रिय अभियन्ता एवम् सामाजिक व्यक्तित्व चक्रपाणि पौलेलको २०७७ चैत्र २३ गते सोमबार तनहुँको देवघाटमा हुन गएको असामयिक निधनप्रति गहिरो दुःख व्यक्त गर्दै हार्दिक श्रदासुमन अर्पण गर्दछौ । उहाँ ७८ वर्षको हुनुहुन्थ्यो । उहाँले पोखरा विश्वविद्यालय स्थापनाका लागि जनस्तरबाट गठित समितिमा सदस्य, जग्गा व्यवस्थापन एवम् संरक्षण उपसमितिमा संयोजक, पोखरा विश्वविद्यालयको भौतिक पूर्वाधार निर्माण समितिमा सदस्य, पोखरा विश्वविद्यालय सभाको सभासद् आदि विभिन्न पदमा रही महत्वपूर्ण भूमिका निर्वाह गर्नुभएको थियो । यस दुःखद घडिमा उहाँले पोखरा विश्वविद्यालयको स्थापना र विकासमा विभिन्न पदमा बसी पुर्याउनुभएको योगदानको उच्च करदसहित सम्मान गर्दै हार्दिक स्मरण समेत गर्दछौं । शोकको यस क्षणमा शिक्षाप्रेमी पौडेलेको आत्माको चिरशान्तिको कामना गर्दै शोक सन्तप्त परिवारजनमा हार्दिक समवेदना प्रकट गर्दछौं ।
२०७६ साल चैत्र ३ गते सोमबार, लेखनाथ, कास्की । पोखरा विश्वविद्यालयले पोखरा विश्वविद्यालय सेवा आयोगका प्रथम अध्यक्ष, विशिष्ठ विद्वान, वरिष्ठ साहित्यकार प्राज्ञ प्रा.डा. दुर्गा प्रसाद (डि.पि.) भण्डारीको मिति २०७६ चैत्र १ गते शनिबार दिन काठमाडौंस्थित हाम्स अस्पतालमा ८४ वर्षको उमेरमा भएको असामयिक निधनका कारण आज विश्वविद्यालय प्राङ्गण लेखनाथमा एक शोक सभा मनाएको छ । भण्डारी विगत ५ वर्षदेखि विस्मृति रोग (अल्जाइमर्स) र फोक्सोसम्बन्धी रोगले सिकिस्त बिरामी हुनुहुन्थ्यो ।
काठमाडौं । नेपाल बैंकर्स संघ तथा पोखरा विश्वविद्यालय स्कूल अफबिजनेसबीच सम्झौतापत्रमा हस्ताक्षर भएको छ । सो सम्झौतापत्रमा संघका अध्यक्ष श्री ज्ञानेन्द्र प्रसाद ढुंगाना तथा पोखरा विश्वविद्यालय स्कूलअफ बिजनेसका निर्देशक डा. रविन्द्र धिमिरेले हस्ताक्षर गरे । उक्त सम्झौताले दुवै संस्थाबीच वित्तीय साक्षरताका कार्यक्रमहरु ग्रामिण भेगमा अगाडि बढाउन सहयोग मिल्नुका साथै आगामी दिनहररूमा यसले वित्तीय साक्षरता तथा बैंकिङ्ग प्रवर्धनमा सकारात्मक परिवर्तन ल्याउने अपेक्षा गरिएको छ ।
अन्तर्राष्ट्रिय सम्मेलनमा आफ्नो मन्तव्य राख्दै त्रिभुवन विश्वविद्यालय ईञ्जिनियरिङ्ग अध्ययन संस्थानका पूर्व डीन प्रा.डा. भरतराज पहारीले विपत भौतिक रूपमा मात्रै नभई सांस्कृतिक रूपमा समेत रहेको उल्लेख गर्नुभयो । उहाँले हालै पोखरा विश्वविद्यालयका उपकुलपतिमाथि गरिएको दुव्र्यवहार संस्कृतिमाथिको गम्भिर विपत्ति हो भन्दै हामीले कस्तो संस्कृतिको निर्माण गरिरहेका छौं भन्नेमा बौद्धिक जगतले बुझनुपर्नेमा जोड दिनुभयो ।
पोखरा विश्वविद्यालयको स्थापनाको मर्म र उद्देश्यमाथि संकुचनको अवस्था आउने गरी गण्डकी प्रदेशको संगठन संरचनाको निर्माण नगर्न मुख्यमन्त्री तथा मन्त्रिपरिषद्को कार्यालय, गण्डकी प्रदेशलाई एक अन्तरक्रियामार्फत सुझाइएको छ ।
पोखरा विश्वविद्यालयको रिक्त सेवा आयोगको अध्यक्ष पदमा सह–प्राध्यापक रघुनाथ अधिकारी हालै नियुक्त हुनुभएको छ । उहाँले हाल त्रिभुवन विश्वविद्यालय सेवाबाट अवकाश प्राप्त गर्नुभएको छ । सम्माननीय प्रधानमन्त्री एवम् पोखरा विश्वविद्यालयका कुलपति के.पि. शर्मा ओलीले पोखरा विश्वविद्यालय ऐन, २०५३ को दफा १४ को उपदफा (१) (क) बमोजिम उहाँलाई उक्त पदमा ४ वर्षका लागि नियुक्त गर्नुभएको हो । सँगसँगै प्रधानमन्त्री ओलिले सोही ऐन बमोजिम सेवा आयोगको रिक्त सदस्य पदमा त्रि.वि., पृथ्वीनारायण क्याम्पसका, पोखराका प्राध्यापक दीपकचन्द्र वाग्लेलाई समेत नियुक्त गर्नुभएको छ । उहाँहरू दुबैलाई पोखरा विश्वविद्यालयका उपकुलपति प्रा. चिरञ्जीवीप्रसाद शर्मा, रजिष्ट्रार गोविन्दप्रसाद शर्माले आज पोखरा विश्वविद्यालय सेवा आयोगको कार्यालय लेखनाथमा एक समारोहबीच पद बहाली गराउनु भयो । उपकुलपति प्रा. चिरञ्जीवीप्रसाद शर्मा तथा रजिष्टार गोविन्द प्रसाद शर्माले नवनियुक्त सेवा आयोगका अध्यक्ष एवम् सदस्यलाई बधाई ज्ञापन गर्दै विश्वविद्यालयको तर्फबाट २४ सै घण्टा सहयोग प्राप्त हुने विश्वास दिलाउनु भएको थियो ।