MOU between Pokhara University and Handong Global University

On July 26, 2021. Pokhara, Kaski, Nepal.
Pokhara University (PU) and Handong Global University (HGU) have resumed the expansion of their relationship by conducting a formal program. Pokhara University agrees to join the network of universities of UNITWIN (University Twinning and Networking) on Capacity Building of Sustainable Development in Developing Countries for which Handong Global University (HGU) is the host university.

Vice Chancellor of Pokhara University, Professor Dr. Prem Narayan Aryal signed the document on behalf of PU and Handong Global University President, Dr. Soon Heung Chang signed the document on behalf of HGU. 

As part of the agreement, Pokhara University and HGU wish to enhance relations between the two universities and to develop academic and cultural exchange programs in the areas of education, research, and other activities, and agree to cooperate and work together towards the internationalization of higher education and the goal of the UNITWIN Programme.

The areas of cooperation include any programs offered at either university which are felt to be desirable and feasible for the development and strengthening of cooperative relationships between the two institutions and helpful for UNITWIN Programme. However, any specific programs shall be subject to mutual consent, availability of funds, and approval of each university. Such programs may include:
a. Exchange of faculty members
b. Exchange of students
c. Joint research projects
d. Joint degree programs

The terms of such mutual assistance and cooperation shall be discussed and agreed upon in writing by the appropriate responsible officers of both parties prior to the initiation of any particular program or activity.

This agreement shall be effective upon approval by both parties and shall remain in effect for five years, provided, however, that it may be extended by mutual agreement expressed by a written memorandum of understanding.

On this occasion from the side of PU, Dr. Deepak Bahadur Bhandari, Registrar; Dr. Umesh Singh Yadav, Executive Director of International Relations Centre; Dr. Dipak Raj Poudel, Chief of Planning and Program Division; Mr. Lok Prasad Dhakal, Information Officer and from the side of HGU Professor Younsik Han, Executive Director, GTEC and Prof. Keeseon Yoo, Dean, Faculty of Global Management and leadership at HGU was also present. The program was facilitated by Ravi Bhandari, The signing ceremony was conducted through a zoom meeting.

पोखरा विश्वविद्यालय २५ औं वर्षमा प्रवेश

पोखरा विश्वविद्यालय स्थापना भएको २४ औं वर्ष पुरा भई २५ वर्ष लागेको छ । २५ औं वार्षिकोत्सव पोखरा विश्वविद्यालयका उप–कुलपति प्रा.डा. प्रेमनारायण अर्यालको समुपस्थितिमा विश्वविद्यालय हाताभित्र सरसफाई तथा एक औपचारिक कार्यक्रम गरी सम्पन्न भएको छ । वार्षिकोत्सव कार्यक्रमलाई सम्बोधन गर्दै उपकुलपति अर्यालले २५ वर्षमा विश्वविद्यालयले गरेका उपलब्धीका बारेमा चर्चा गर्दै यो जन्माउने र हुर्काउने सबै महान् हुन् भन्नुभयो । उहाँले सबैको दुःख र मेहनतले बनेको यो विश्वविद्यालयको विकास र विस्तारमा सबै पक्ष एक ढिक्का भएर लाग्नुपर्नेमा जोड दिनुभयो ।  विश्वविद्यालयको गरिमा, छवि र दिगोपनका लागि हामी सम्वाद्, सहमति र सहकार्यका आधारमा अगाडि बढ्न चाहन्छौंं, हामीलाई ध्यानाकर्षण, बन्द, तोडफोड होइन, रचनात्मक सहयोग गर्नुहोस्, कसैलाई दण्ड दिने अवस्था नआवोस्, उपकुलपतिको भनाई थियो । उहाँले विद्यार्थी, शिक्षक तथा कर्मचारीहरूको भावना मुखरित गर्दै शैक्षिक गुणस्तर र जनशक्ति उत्पादनमा अनुसन्धान, सामाजिक विकास र उद्यमशीलतालाई जोड दिइने बताउनुभयो । 

वार्षिकोत्सव कार्यक्रममा बोल्दै रजिष्ट्रार डा. दिपक बहादुर भण्डारीले पोखरा विश्वविद्यालयले २५ वर्षमा आइपुग्दा समेत अपेक्षित प्रगति हासिल गर्न नसेकेको उल्लेख गर्नुभयो । उहाँले विश्वविद्यालयको लक्ष्यप्राप्तिका लागि अब हिड्ने होइन दगुर्ने बेला आएको उल्लेख गर्नुभयो । परिवर्तन आँफैबाट शुरू गर्नुपर्ने उल्लेख गर्दै रजिष्ट्रार भण्डारीले हामीले विश्वविद्यालयबाट के पायौं भन्दापनि हामीले के दिन सक्यौंं भनेर सोच्न सबैलाई आग्रह गर्नुभयो । म काम गर्न आएको हुँ र काम गरेर देखाउँछु भन्दै उहाँले विश्वविद्यालयको भौतिक पूर्वाधार विकास र शिक्षण अस्पताल सञ्चालनका लागि प्रक्रिया अगाडि बढिसकेको र यसलाई तोकिएको समयसिमाभित्रै सम्पन्न गरिने जानकारी दिनुभयो । यो वर्षको लागि बजेट पास छ, यसलाई अधिकतम सदुपयोग गरी निकाय, संकायको विकास गर्नुस्, समस्या परे गाँठो फुकाउने हामी छौं, पधाकारीतर्फ इंगित गर्दै रजिष्ट्रारले भन्नुभयो । 

पोखरा विश्वविद्यालय सेवा आयोगका सदस्य प्रा. दिपकचन्द्र वाग्लेले २४ वर्षमा के के कमीकमजोरी भए तिनबाट पाठ सिक्दै, छलफल गर्दै अगाडि बढ्न सबै स्टेकहोल्डरलाई सुझाउनुभयो । विश्वविद्यालयमा कामलाई प्रभावकारी तुल्याउन अनुसन्धान हुनुपर्नेमा उहाँको जोड थियो । 

पोखरा विश्वविद्यालय व्यवस्थापन संकायका डीन प्रा. हरिबहादुर खड्काले पोखरा विश्वविद्यालयको विगतलाई हेर्दा धेरै प्रगति भएको उल्लेख गर्नुभयो । उहाँले यो परिवर्तनतर्फ निरन्तर उन्मुख रही विविध कार्यक्रम र नीतिका साथ अगाडि बढ्दै आएको उल्लेख गर्नुभयो । यसको प्रगतिलाई सकारात्मक भएर सोच्न आग्रह गर्दै उहाँले विश्वविद्यालयको विकास र विस्तारमा समाजसेवी, शिक्षाप्रेमी सबैको साथ, सहयोग रहेको उल्लेख गर्नुभयो । 

पोखरा विश्वविद्यालय मानविकी तथा सामाजिक शास्त्र संकायका डीन डा. अजय थापाले सबैको साथ र सहयोगले विश्वविद्यालय यो अवस्थामा आएको उल्लेख गर्नुभयो । विश्वविद्यालयमा देखिएका चुनौतिलाई अवसरमा परिणत गर्न निश्चित योजना र रणनीति बनाउँदै फरक ढंगले अगाडि बढ्नुपर्नेमा उहाँले जोड दिनुभयो । 

पोखरा विश्वविद्यालय प्राध्यापक संघका सभापति उपप्राध्यापक हेमराज पाण्डेले २५ वर्षको अवधिलाई साक्षी राखेर विश्वविद्यालयलाई परिवर्तन गर्नुपर्नेमा जोड दिनुभयो । उहाँले व्यवहारमा परिवर्तन नआई प्राज्ञिक उन्नयन हुन नसक्ने बताउनुभयो । समाज, टोल, प्रदेश र सिंगो देश सुहाँउदो भूमि सुहाँदो शिक्षा र दीक्षाका लागि सबै एक जुट भएर लाग्नुपर्नेमा जोड दिनुभयो । 

पोखरा विश्वविद्यालय स्कूल अफ डेभलपमेन्ट एण्ड सोसल ईञ्जिनियरिङ्गका स्कूल निर्देशक डा. रामप्रसाद अर्यालले सूचना प्रविधिलाई आत्मसाथ गर्दै विश्वविद्यालयलाई विश्वसामू चिनाउन सबैले मेहनत गर्नुपर्नेमा जोड दिनुभयो । 

पोखरा महानगरपालिका वडा नं. ३० का वडा अध्यक्ष श्रीराम पोखरेलले विश्वविद्यालय स्थापनामा स्थानीयको सहयोग र योगदान अतुलनीय रहेको उल्लेख गर्दै यसको विकास र विस्तारमा सबै एक जुट भएर लाग्न आग्रह गर्नुभयो । उहाँले भाइफुटे गवाँर लुटेजस्तै गरी आपसी द्वन्द्वमा विश्वविद्यालय जान नहुने तर्क राख्दै पोखरेलले यसको साख र छविलाई सबै स्टेकहोल्डरले जोगाउनुपर्नेमा जोड दिनुभयो । उहाँले विश्वविद्यालयमा बन्द धेरै हुने गरेका र यसले विश्वविद्यालयको उन्नतिमा धेरै हानी पुगेको उल्लेख गर्नुभयो । पोखरेलले योजना बनाएपछि कार्यान्वयन गर्न जोड दिँदै विश्वविद्यालयलाई अगाडि लैजाने विषयमा स्थानीय नागरिकको सँधै साथ, सहयोग र सद्भाव रहने उल्लेख गर्नुभयो । 

पोखरा विश्वविद्यालय कर्मचारी संघका अध्यक्ष उपप्रशासक शिवराज पण्डितले सहमति, सहकार्य र एकताबाट विश्वविद्यालय सञ्चालन हुनुपर्नेमा जोड दिनुभयो । उहाँले विश्वविद्यालयको विकास र विस्तारका लागि सातवटै प्रदेशमा एक एक वटा आंगिक कलेज सञ्चालन हुनुपर्ने बताउनुभयो । 

वार्षिकोत्सव समारोहमा दुईजना कर्मचारीलाई उत्कृष्ट घोषणा गरी सम्मानपत्र र पुरस्कारको रूपमा दुई ग्रेड वृद्धि गरिएको छ । सम्मानीत हुने कर्मचारीमा मानविकी तथा सामाजिक शास्त्र संकायमा कार्यरत कार्यालय सहयोगी चन्द्रा चेम्जोङ्ग, स्कूल अफ डेभलपमेन्ट एण्ड सोसल ईञ्जिनियरिङ्गमा कार्यरत मुख्य सहायक पुरूषोत्तम रानाभाट हुनुहुन्छ । कार्यक्रमको सञ्चालन सहप्रशासक तारादेवी सापकोटाले गर्नुभएको थियो । 

पोखरा विश्वविद्यालयमा हाल ४ वटा आंगिक, ४ वटा संयुक्त आंगिक, ५८ वटा सम्बन्धन कलेज र एकवटा विद्यावारिधितहको अध्ययन अध्यापनका लागि काउन्सिल फर डक्टरल स्टडिज रहेका छन् । यि सबैमा हाल ६३ वटा कार्यक्रम सञ्चालन र लगभग ३३ हजार विद्यार्थी अध्ययनरत छन् । 

पोखरा विश्वविद्यालय सभा १ अर्ब १९ करोडको बजेट पारित गर्दै सम्पन्न !!!

२०७८ असार २८ गते सोमबार, पोखरा–३०, कास्की ।
पोखरा विश्वविद्यालयको २१ औं साधारण सभाको बैठक विश्वविद्यालयका उपकुलपति प्रा.डा. प्रेमनारायण अर्यालयको अध्यक्षतामा विश्वविद्यालयको सभाकक्ष, लेखनाथमा बसी सम्पन्न भएको छ ।

सभाले विश्वविद्यालयका उपकुलपति प्रा.डा. प्रेमनारायण अर्यालद्वारा प्रस्तुत आर्थिक वर्ष २०७८/०७९ को नीति तथा कार्यक्रम एवम् रजिष्ट्रार डा. दिपकबहादुर भण्डारीद्वारा प्रस्तुत आर्थिक वर्ष २०७८/७९ को लागि कुल १ अर्ब १९ करोड १० लाखको बजेट पारित गरेको छ ।

२१ औं साधार सभाको बैठकमा विश्वविद्यालयका उपकुलपति प्रा.डा. प्रेमनारायण अर्यालले प्रस्तुत गर्नुभएको आर्थिक वर्ष २०७८/७९ को नीति तथा कार्यक्रममा भौतिक संरचना निर्माणलाई प्रमुख प्राथमिकतामा राखिएको छ । जसमध्ये विश्वविद्यालयको नयाँ केन्द्रीय कार्यालय दुईतला थपका साथै जग्गा विकास (Land Development) सम्बन्धी कार्य, विश्वविद्यालयको हाल प्राज्ञिक भवनमा रहेका विज्ञान तथा प्रविधि, व्यवस्थापन, मानविकी तथा सामाजिक शास्त्र विषय कार्यक्रमहरूलाई पोखरा–३० मुँसेटुँडामा अवस्थित करीब २४१ रोपनी जग्गामा स्थानान्तरण गर्ने योजना, परीक्षा नियन्त्रण कार्यालयको हाल रहेको भवनलाई विस्तार गर्ने योजना, विश्वविद्यालयमा सञ्चालित नर्सिङ्ग, चिकित्सा विज्ञानसँग सम्बन्धित प्यारामेडिकल कोर्षहरू (Paramedical Courses) हरूको सञ्चालनका लागि शिक्षण अस्पताल निर्माण गर्ने हेतु १०० शैयाको पोखरा विश्वविद्यालय शिक्षण अस्पतालको सञ्चालन र निर्माण आदि प्रमुख छन् । साथै उपकुलपति पेश गर्नुभएको नीतिगत मन्तव्यमा पोखरा विश्वविद्यालयमा पार्किङ्ग, चमेनागृह निर्माण कार्य र मौजुदा दुई तले पोखरा विश्वविद्यालय महिला छात्रावासमाथि एक तला थप्ने योजना छ ।

सभाले पारित गरेको नीति तथा कार्यक्रममा उत्कृष्टता एवम् अन्तर्राष्ट्रिय प्रतिस्पर्धाका लागि उच्च शिक्षाको उद्देश्य अनुकूल हुने गरी शैक्षिक क्रियाकलाप सञ्चालन, परीक्षा प्रणालीको व्यवस्था, शैक्षिक क्यालेण्डरको पालना, उपयुक्त शैक्षिक वातावरणको सिर्जना र महाविद्यालयहरूको क्षमता बृद्धिको लागि केही आङ्गिक कार्यक्रमहरू विस्तार गर्ने, आङ्गिक महाविद्यालयहरूको विस्तार गर्ने, शिक्षा तथा कानुनका विषयहरू पठनपाठनको तयारी गर्ने गर्ने, गण्डकी प्रदेश सरकारको सहयोगमा स्रोत परिचालन गरी पर्यटन, प्याराग्लाइडिङ्ग, ट्रेकिङ्ग, माउन्टेन हाइकिङ्ग, आयूर्वेद आदि कार्यक्रमहरू सञ्चालनका लागि आवश्यक पूर्वाधारको तयारी गर्ने कार्यक्रमलाई समेटिएका छन् । साथै पारित नीति तथा कार्यक्रममा विद्यार्थी सहयोग प्रणालीलाई व्यवस्थित गर्न र अतिरिक्त क्रियाकलापमा बढी सक्रिय बनाउनका लागि विद्यार्थी कल्याण एवं अतिरिक्त क्रियाकलाप निर्देशनालय (Student Welfare and Extra  Curricular Activities Directorate) स्थापना आदि छन् ।

उक्त सभाले विश्वविद्यालयका रजिष्टार डा. दिपकबहादुर भण्डारीले प्रस्तुत गर्नुभएको आर्थिक वर्ष २०७६/०७७ को प्रगति समिक्षा र आय–व्ययको यथार्थ विवरण, आर्थिक वर्ष २०७७/०७८ को प्रगति समिक्षा र बजेट तथा आर्थिक वर्ष २०७८/०७९ को बजेट पारित गरेको छ ।

सभाले पारित गरेको आर्थिक २०७७/७८ को बजेटमा पूँजीगत खर्चतर्फ रू. ४ करोड ८२ लाख ६२ हजार र साधारण खर्चतर्फ जम्मा रू. ५३ करोड ४५ हजार गरी कुल रू. ५७ करोड ८३ लाख ७ हजार रहेको छ ।

त्यस्तै २०७८/०७९ का लागि कुल रू. १ अर्ब १९ करोड १० लाखको बजेट पारित गरेको छ । पारित बजेटमा पूँजीगत खर्चतर्फ रू. ४० करोड २१ लाख २५ हजार र साधारण खर्चतर्फः जम्मा रू. ७८ करोड ८८ लाख ७५ हजार छ ।

सभामा पेश भएका पोवि शिक्षक तथा कर्मचारीसम्बन्धी नियमावली, २०५५; पोवि आर्थिक नियमावली, २०५५; पोवि छात्रवृत्तिसम्बन्धी नियमावली, २०६५; पोवि सेवा आयोग र पुनरावेदन समितिसम्बन्धी नियमावली, २०५७ र पोवि खरिद नियमावली, २०७२ सम्बन्धी नियमावली संशोधन तथा परिमार्जनसम्बन्धी प्रस्तावहरूलाई केही संशोधन गरी पारित समेत गरेको छ ।

पोखरा विश्वविद्यालयको २१ औं साधारण सभाको बैठक असार २८ गते हुने

 

२०७८ असार ७ गते सोमबार, लेखनाथ ।
पोखरा विश्वविद्यालयको २१ औं साधारण सभाको बैठक सम्माननीय प्रधानमन्त्री एवम् पोखरा विश्वविद्यालयका कुलपति के.पि. शर्मा ओलीको अध्यक्षतामा यही मिति २०७८ असार २८ गते सोमबार बिहान ११ः०० बजे कास्की पोखरा महानगरपालिका वडा नं.–३०, स्थित विश्वविद्यालयको सभाकक्ष खुदी ढुंगेपाटन लेखनाथमा बस्ने भएको छ । सभाको बैठकमा आर्थिक वर्ष २०७८/०७९ को नीति तथा कार्यक्रम र बजेट प्रस्तुत हुने कार्यक्रम रहेको छ ।