Pokhara University signs MOU with UNDP

Pokhara-30, Kaski, Nepal, Friday, December 10, 2021.

Pokhara University signs Memorandum of Understanding (MOU)  with the United Nations Development Programme (UNDP) Nepal for achieving the Sustainable Development Goals, the Agenda 2030. The MOU was signed by Ayshanie Medagangoda-Labe, Resident Representative one behalf of UNDP Nepal, and Prof. Dr. Prem Narayan Aryal, Vice Chancellor on behalf of Pokhara University. At the MOU signing ceremony, Vice-chancellor Prof. Aryal and Medagangoda-Labe also expressed their commitments to work together for the development and promotion of quality education.

The purpose of this MOU is to provide a framework for the non-exclusive cooperation and facilitate and strengthen collaboration between the Parties in the areas of common interest particularly for achieving the Sustainable Development Goals.

The Parties wish to promote the Sustainable Development Goals particularly SDG 1 (no poverty), SDG 2 (zero hunger), SDG 3 (good health and well-being), SDG 4 (quality education), SDG 5 (gender equality), SDG 10 (reduce inequality), SDG 13 (climate action), SDG 16 (promote peace and inclusive societies), and SDG 17 (partnership for the goals).

The MoU signing ceremony was organized by the Pokhara University Research Center, which was Conducted online between two parties.

The Parties agree to cooperate in the following areas of activities for achieving the Sustainable Development Goals:

1. Collaborate to establish central research facility (the global standard advanced research laboratories) and Center of excellence for higher degree research and education related to SDGs.
2. Collaborate to initiate professional Master and Doctoral level programs addressing SDGs targets.
3. Facilitate exchange of professors, administration staffs and students for capacity enhancement trainings/workshops.
4. Support research and innovation activities through research grants and fellowships to professors, researchers, and students with particular focus on Leave No One Behind (LNOB).
5. Facilitate partnership with national and international academia, research, and humanitarian agencies to work together for achievement of SDGS in Nepal.
6. Collaborate to promote gender equality, diversity and prevent all forms of discrimination.

Ceremony was completed in the presence  of Associate Prof. Dr. Dipak Bahadur Bhandari, Registrar of Pokhara University; Associate Prof. Dr. Amar Nagila, Dean, Faculty of Health Sciences of Pokhara University; Associate Prof. Dr. Ram Prasad Aryal, School Director, School of Development and Social Engineering, Pokhara University and Executive authorities, Faculty Members, Students, and Staffs of Pokhrara University and UNDP Team. The Ceremony was moderated by Binda Magar, Advisor (Gender and Social Inclusion) on behalf of UNDP Nepal and Associate Prof. Dr. Namraj Dhami, Executive Director Pokhara University Research Center on behalf of Pokhara University. 

Some of the pictures of the ceremony:

अनुसन्धान केन्द्रद्वारा दिगो विकास लक्ष्यहरूमा सेमिनार

२०७८ मङ्सिर २४ गते शुक्रबार, पोखरा–३०, कास्की ।
पोखरा विश्वविद्यालय अनुसन्धान केन्द्रले अन्तर्राष्टिय मानव अधिकार दिवसको अवसर पारेर “इक्वालिटि एण्ड नन–डिसक्रिमिनेशन कोर अफ सस्टेनेबल डेभलपमेन्ट गोल्स” शिर्षकमा एक सेमिनार आयोजना गर्यो । पोखरा विश्वविद्यालयका उपकुलपति प्रा.डा. प्रेमनारायण अर्याल, रजिष्ट्रार डा. दिपक बहादुर भण्डारी, स्वास्थ्य विज्ञान संकायका डीन डा. अमर नागिला लगायतको समुपस्थितिमा अनुसन्धान केन्द्रको ‘रिसर्च टक’ कार्यक्रमको दोस्रो श्रृखलाअन्तर्गतको आयोजित उक्त सेमिनारमा प्रमुख वक्ताको रूपमा संयुक्त राष्ट्र विकास कार्यक्रम (यूएनडिपि) नेपालका जेण्डर इक्वालिटि एण्ड सोसल इनक्लुशन सल्लाहकार बिन्दा मगर हुनुहुन्थ्यो ।

उक्त सेमिनारलाई सम्बोधन गर्दै पोखरा विश्वविद्यालयका उपकुलपति प्रा.डा. प्रेमनारायण अर्यालले समाजमा सचेतना नभएमा त्यसले लैङ्गिक समानता हासिल गर्न र महिला हिंसा न्यूनिकरण गर्न कठिन हुने बताउनुभयो । उहाँले दिगो विकासका लक्ष्य हासिल गर्न समावेशीय र गुणस्तरीय शिक्षालाई प्रवद्र्धन गर्नुपर्ने र यसको लागि शिक्षकले व्यवहारिक अनुसन्धान गर्नुपर्नेमा जोड दिनुभयो । कार्यक्रममा बोल्दै विश्वविद्यालयका रजिष्ट्रार डा. दिपकबहादुर भण्डारीले समाज र परिवारभित्रको व्याप्त असमानता र विभेद हटाउन हरेक व्यक्तिको सोचमा परिवर्तन हुनुपर्नेमा जोड दिनुभयो । उहाँले सोचमा परिवर्तन शिर्ष व्यक्तिमा मात्र होइन सुविधा भोगि सबैमा हुनु आवश्यक छ भन्नुभयो ।

कार्यक्रममा प्रमुख वक्ता बिन्दा मगरले नेपालमा दिगो विकास लक्ष्यहरू हासिल गर्न यूएनडिपिले खेलेका भूमिकाहरूको बारेमा चर्चा गर्नुभएको थियो । सो अवसरमा उहाँले दिगो विकास लक्ष्यहरू प्राप्तिका लागि शैक्षिक संस्थाहरूको भूमिका एवम् चुनौतिपूर्ण र अगाडि बढ्ने मार्गसहित केहि दिगो विकासका लक्ष्यहरूसँग शैक्षिक संस्थाको आबद्धताका बारेमा प्रकाश पार्नुभएको थियो । उहाँले दिगो विकास हासिल गर्न एकल प्रयासबाट सम्भव नभएकोले सरकार, नीजि क्षेत्र, नागरिक समाज लगायत सबैको साथ सहयोग चाहिनेमा जोड दिनुभयो ।

कार्यक्रममा पोखरा विश्वविद्यालय स्कूल अफ डेभलपमेन्ट एण्ड सोसल ईञ्जिनियरिङ्गका स्कूल निर्देशक सह–प्रा.डा. राम प्रसाद अर्यालले विश्वविद्यालयले दिगो विकासका लक्ष्यहरूलाई मनन गरी अगाडि बढ्नुपर्ने बताउनुभयो । कार्यक्रम अनुसन्धान केन्द्रका कार्यकारी निर्देशक सह–प्रा. डा. नमराज धामीले सञ्चालन गर्नुभएको थियो ।

दिगो विकासका लक्ष्यहरू, जसलाई विश्वव्यापी लक्ष्यहरू पनि भनिन्छ, सन् २०३० सम्ममा सबै मानिसहरूले शान्ति र समृद्धिको आनन्द उठाउने कुरा सुनिश्चित गर्नका लागि विश्वव्यापी आव्हानका रूपमा स्वीकार गरि सबै राष्ट्रले यसलाई पछ्याइराखेका छन् । दिगो विकासका लक्ष्यहरूमा १७ वटा लक्ष्यहरू एकिकृत छन्, जसमा एक क्षेत्रको कार्य परिणामले अर्को क्षेत्रलाई असर गर्नेछ र त्यो विकासले सामाजिक, आर्थिक र वातावरणीय दिगोपनलाई सन्तुलन राख्ने उल्लेख छ । कसैलाई पनि पछाडि नछोड्ने प्रतिज्ञाको माध्यमबाट, देशहरूले सबैभन्दा पछि परेकाहरूका लागि दु्रत ट्रयाक प्रगति गर्न प्रतिबद्ध छन् । यसैले दिगो विकासका लक्ष्यहरूलाई विश्वलाई जीवन परिवर्तन गर्ने, शून्य गरिवी, भोक, एड्स र महिला र किशोरीहरू विरूद्ध भेदभावसहित धेरै जीवन परिवर्तन गर्ने ‘शून्यहरू’मा ल्याउन डिजाइन गरिएको छ ।

कार्यक्रमका तस्विरहरूः

पाठ्यक्रम विकास केन्द्रद्वारा कार्यशाला गोष्ठी आयोजना

२०७८ साल मंसिर १७ गते शुक्रबार, पोखरा–३०, कास्की ।
पोखरा विश्वविद्यालय पाठ्यक्रम विकास केन्द्रद्वारा यहि मंसिर ९ र १० गते BNS कार्यक्रम अन्तर्गत तेस्रो वर्षको Evaluation Tools निर्माण गर्नका लागि दुई दिने कार्यशाला गोष्ठीको आयोजना गरियो । उक्त गोष्ठी काठमाडौंको नारायणहिटीपथमा रहेको होटेल ल्याण्डमार्कमा सम्पन्न भएको थियो । गोष्ठीमा स्वास्थ्य विज्ञान संकायका डीन डा. अमर नागिला, पाठ्यक्रम विकास केन्द्रका कार्यकारी निर्देशक डा. पूर्ण बहादुर खाँड, नर्सिङ्ग विषय समितिका अध्यक्ष तथा त्रिभुवन विश्वविद्यालय महाराजगञ्ज क्याम्पसका क्याम्पस प्रमुख प्रा. चन्द्रकला शर्मासहित पोखरा विश्वविद्यालय तथा अन्य विश्वविद्यालयका विज्ञहरू, आङ्गिक तथा सम्बन्धनप्राप्त महाविद्यालयहरूका शिक्षक तथा कर्मचारीहरूको उपस्थिति रहेको थियो ।

अधिकारीको सम्झनामा श्रद्धाञ्जली सभा

२०७८ मंसिर १२ गते आइतबार, पोखरा–३०, कास्की ।
पोखरा विश्वविद्यालयले स्कूल अफ डेभलपमेन्ट एण्ड सोसल ईञ्जिनियरिङ्गका उप–प्राध्यापक रामजी प्रसाद अधिकारीको असामयिक निधनमा आज एक श्रद्धाञ्जली सभाको आयोजना गर्यो। श्रद्धाञ्जली सभामा विश्वविद्यालयका उपकुलपति प्रा.डा. प्रेमनारायण अर्याल, रजिष्ट्रार सह–प्रा.डा. दिपकबहादुर भण्डारी लगायत मानविकी तथा सामाजिक शास्त्र संकायका डीन सह–प्रा.डा. अजय थापा, स्कूल अफ बिजनेश, पोखरा विश्वविद्यालयका स्कूल निर्देशक उप–प्राध्यापक डा. श्रृजन ज्ञवाली, स्कूल अफ डेभलपमेन्ट एण्ड सोसल ईञ्जिनियरिङ्ग, पोखरा विश्वविद्यालयका निमित्त स्कूल निर्देशक उप–प्राध्यापक बद्री अर्याल, सोही स्कूलका उप–प्राध्यापक युवराज त्रिपाठी, पोखरा विश्वविद्यालय प्राध्यापक संघका महासचिव उप–प्राध्यापक रविन्द्र प्रसाद बराल, पोखरा विश्वविद्यालय कर्मचारी संघका अध्यक्ष उप–प्रशासक शिव राज पण्डितले स्वर्गीय अधिकारीको व्यक्तित्व र विश्वविद्यालयमा उहाँले पुर्याएको योगदानका बारेमा चर्चा र मृतात्माको चिरशान्तिको कामनासहित शोक सन्तप्त परिवारजनमा गहिरो समवेदना प्रकट गर्दै धैर्य धारण गर्ने शक्ति मिलोस् भनी कामना गर्नुभएको थियो ।

उहाँको ४४ वर्षको उमेरमा यही मंसिर ९ गते बिहीबार गण्डकी क्षेत्रीय अस्पताल, पोखरामा उपचारका क्रममा दुःखद निधन भएको थियो । उहाँले पोखरा विश्वविद्यालयमा वि.सं. २०६८ सालमा करार सेवामा र वि.सं. २०७३ सालदेखि स्थायी सेवामा रही जेण्डर सोसियोलोजी विषयमा अध्यापनमा गराउँदै आउनुभएको थियो । स्वर्गीय अधिकारीका श्रीमती र दुई छोरा हुनुहुन्छ ।

पोखरा विश्वविद्यालयले सिमान्तकृत र बहिष्कृत महिलाको सामाजिक आर्थिक जोखिमको मूल्यांकन गर्ने

२०७८ मंसिर ६ गते सोमबार, पोखरा–३०, कास्की ।
पोखरा विश्वविद्यालयले गण्डकी प्रदेशको म्याग्दी र स्याङ्जा जिल्लाका बेनी, वालिङ् र पुतलीबजार नगरपालिकामा सीमान्तकृत र बहिष्कृत महिलाहरूको सामाजिक–आर्थिक जोखिमको मूल्यांकन गर्ने भएको छ । संयुक्त राष्ट्र विकास कार्यक्रम (यूएनडिपि) सहयोगमा सञ्चालन गरिने उक्त अनुसन्धान परियोजनाको पोखरा विश्वविद्यालयका उपकुलपति प्रा.डा. प्रेमनारायण अर्यालय एक समारोहबीच आज शुभारम्भ गर्नुभयो । परियोजना शुभारम्भ गर्दै उपकुलपति अर्यालले विश्वविद्यालयले गरेका उत्कृष्ट अनुसन्धानहरूले नोबेल पुरस्कार प्राप्त गरेको दृष्टान्त दिँदै विश्वविद्यालयलाई शिक्षा प्रदान गर्ने मात्र नभई अनुसन्धानमुखी क्रियाकलाप र सामाजिक सेवा प्रदान गर्ने शैक्षिक उत्कृष्टताको केन्द्र बनाउनु पर्नेमा जोड दिनुभयो । उहाँले शिक्षक तथा विद्यार्थीहरूलाई अनुसन्धानमा सामेल गर्नुपर्ने मान्यता अनुरूप यस किसिमका परियोजना ल्याइएको उल्लेख गर्नुभयो । कार्यक्रमलाई सम्बोधन गर्दै विश्वविद्यालयका रजिष्ट्रार डा. दिपकबहादुर भण्डारीले विश्वविद्यालय अनुसन्धान गर्ने, नयाँ नयाँ प्रविधि र ज्ञानको प्रयोग गर्ने ठाउँ भएको उल्लेख गर्नुभयो । उहाँले विश्वविद्यालयले गरेका अनुसन्धान कार्यले देशलाई आवश्यक नीति निर्माण गर्न सहयोग पुग्ने बताउनु भयो । कार्यक्रममा मानविकी तथा सामाजिक शास्त्र संकायका डीन सह–प्रा.डा. अजय थापा, स्कूल अफ हेल्थ एण्ड एलाईड साइन्सेजका सह–प्राध्यापक डा. निरञ्जन श्रेष्ठ र उप–प्राध्यापकद्वय अनिता दाहाल र नन्दराम गहतराज तथा स्कूल अफ डेभलपमेन्ट एण्ड सोसल ईञ्जिनियरिङ्गका उप–प्राध्यापक डा. अर्जुन कुमार थापाले कार्यक्रमका बारेमा बोल्नुभएको थियो ।

यूएनडिपि र पोखरा विश्वविद्यालयबीच म्याग्दी र स्याङ्जा जिल्लाका सीमान्तकृत र बहिष्कृत महिलाहरूको जीवनस्तर उकास्ने मूल उद्देश्यका साथ यूएनडिपिका नेपालस्थित आवासीय प्रतिनिधि मेडागांगोडा लाबे र पोखरा विश्वविद्यालय अनुसन्धान केन्द्रकाका कार्यकारी निर्देशक सह–प्रा.डा. नमराज धामीबीच हालै एक सम्झौतामा हस्ताक्षर भएको थियो । परियोजना अनुसन्धानको बजेट कुल २६,५१,९९५।– (छब्बीस लाख एकाउन्न हजार नौसय पन्चानब्बे) छ । परियोजनको सल्लाहकारमा विश्वविद्यालयका उपकुलपति र रजिष्टार एवम् अनुसन्धान टोलीमा सह–प्रा.डा. नमराज धामी, सह–प्रा.डा. निरञ्जन श्रेष्ठ, डा. अर्जुनकुमार थापा, श्री नन्दराम गहतराज र अनिता दाहाल हुनुहुन्छ । परियोजना अनुसन्धानको अवधि २०२१ को डिसेम्बरसम्म रहेको छ ।

कोभिड–१९ को महामारीले ल्याएको आर्थिक अवरोधले नेपालको शहरी र ग्रामीण दुवै जनसंख्याको जीविकोपार्जनमा दीर्घकालीन छाप सिर्जना गरेको छ र यसले देशभरका महिलाहरू लगायत धेरै कमजोर जनसंख्याका लागि ज्यान जोखिममा पार्ने अवस्था सिर्जना गरेको छ । जसले विद्यमान सामाजिक र आर्थिक असमानताहरूलाई झन बढाएको छ । कोभिडले नेपालमा करिब २० लाख रोजगारीमा बाधा पुर्याएको छ, या त पूर्ण रोजगारी गुमेको छ वा कामको घण्टा र ज्याला घटाएको तथ्यांक छ । कोभिड–१९ का कारण कतिपयको आम्दानीको स्रोत गुमेको छ भने कतिपयले अपर्याप्त खाद्यान्न उपभोगको समस्या भोगेका छन् ।

यूएनडिपिले कोभिड–१९ महामारीको संकटले निम्त्याएको सामाजिक आर्थिक संकटको जटिल प्रभावहरूलाई ध्यानमा राख्दै गण्डकी प्रदेशका स्याङ्जा र म्याग्दी जिल्लामा आपतकालीन मानवीय सहायता कार्यक्रम कसरी कुन मोडालिटी अन्तर्गत सञ्चालन गर्न सकिन्छ भन्ने मूल हेतुले पोखरा विश्वविद्यालयमार्फत यो अनुसन्धान परियोजना सञ्चालन गर्न लागेको हो । यस अनुसन्धान परियोजनाले असमान र गम्भीर रूपमा प्रभावित भएका देशैभरका गरिव र कमजोर घरपरिवारका सीमान्तकृत र बहिष्कृत महिलाहरूलाई आपतकालीन सहयोग उपलब्ध गराउन र खाद्यान्न तथा आर्थिक सहयोगका कार्यक्रम सञ्चालन गर्न आवश्यक नीति निर्माण गर्न सहयोग गर्नेछ ।

कार्यक्रमका केही तस्विरहरूः

पोखरा विश्वविद्यालयको पठन–पाठन भौतिक रूपमा सञ्चालन

२०७८ कात्तिक २८ गते आइतबार, पोखरा–३०, कास्की ।

पोखरा विश्वविद्यालयले आजदेखि आफ्ना पठन–पाठन लगायत सम्पूर्ण शैक्षिक एवम् प्राज्ञिक क्रियाकलापहरू भौतिक रूपमा सञ्चालन गरेको छ । कोभिड–१९ को जोखिम तथा संक्रममणमा उल्लेख्य कमि आउन थालेपछि विश्वविद्यालयले निर्देश गरेबमोजिम विश्वविद्यालयका आङ्गिक, संयुक्त आङ्गिक तथा सम्बन्धनप्राप्त ६६ वटै महाविद्यालयहरूले सम्पूर्ण प्राज्ञिक गतिविधिहरू भौतिक रूपमा सञ्चालन गरेका हुन् । विश्वव्यापी महामारीको रूपमा फैलिएको नोबेल कोरोना भाइरस (कोभिड–१९) को संक्रमण र जोखिमका कारण २०७६ को चैत्रदेखिको लकडाउन र केही समयको बन्द पछि पछिल्लो समयमा विश्वविद्यालयले अनलाइन (Virtual) माध्यमबाट पठन–पाठन एवम् परीक्षा सञ्चालन गर्दै आएको थियो ।

पोखरा विश्वविद्यालय र नेशनल इन्फरमेशन सोसाईटी एजेन्सी, कोरियाबीच सम्झौता

२०७८ कात्तिक २६ गते शुक्रबार, पोखरा–३०, कास्की ।
पोखरा विश्वविद्यालय र नेशनल इन्फरमेशन सोसाईटी एजेन्सी, कोरियाबीच सूचना तथा प्रविधि (आईसीटी) क्षेत्रमा पारस्परिक सहयोग र सहकार्यलाई थप सुदृढ र प्रवद्र्धन गर्ने उद्देश्यले एक समझदारी पत्रमा हस्ताक्षर भएको छ । पोखरा विश्वविद्यालयका उपकुलपति प्रा.डा. प्रेमनारायण अर्याल र राष्ट्रिय सूचना समाज एजेन्सी (एनआइए), गणतान्त्रिक कोरियाका प्रेसिडेन्ट योङ्गसिक मूनले एक समारोहबीच पोखरा विश्वविद्यालयको सूचना पहुँच केन्द्र ‘आईएसी’ मा उक्त समझदारीपत्रमा हस्ताक्षर गर्नुभएको थियो । यस कार्यले नेपाल र कोरियाबीचको साझेदारीलाई सुदृढ पार्ने र अन्ततः ग्रामीण क्षेत्रमा सूचनाको पहुँचमा सुधार गरी नेपालमा डिजिटल विभाजनलाई कम गर्न मद्दत पुग्ने अपेक्षा राखिएको छ । विश्वव्यापी सूचना प्रविधिमा आएको दु्रत गतिको विकासलाई समेट्ने गरी ‘एनआइए’ ले यस केन्द्रको पुनर्सरचना गर्नेछ ।

समझदारीपत्रमा हस्ताक्षर गर्दै उपकुलपति प्रा.डा. प्रेमनारायण अर्यालले २१ औं शताब्दी सूचना प्रविधिको युग भएको उल्लेख गर्दै विश्वविद्यालयमा सूचना प्रविधिको विश्वव्यापी पहुँच अभिवृद्धि र सुदृढिकरणका लागि ‘एनआइए’ को सहयोग प्रशंसनीय रहेको बताउनुभयो । ‘एनआइए’ का प्रेसिडेन्ट योङ्गसिक मूनले नेपालको विकासमा प्रविधि र डिजिटल उपकरणहरूको प्रयोग सुदृढ गर्ने प्रमुख उद्देश्यका साथ सहयोग विस्तार गर्दै आएको बताउनुभयो । उहाँले नेपालमा पोखरा निकै सुन्दर र मनमोहक रहेको उल्लेख गर्दै यहाँ आउँदा मनमा निकै आनन्द र शान्ति छाएको उल्लेख गर्नुभयो । उहाँले पोखरा विश्वविद्यालयको ‘आईएसी’ को माध्यमले विद्यार्थी तथा नागरिकलाई सूचना प्रविधिमा सहजीकरण गर्न आफूहरूले सक्दो प्रयास गर्ने बताउनुभयो ।

विश्वव्यापी डिजिटल विभाजनलाई कम गर्न योगदान गर्ने प्रयासको रूपमा विज्ञान तथा प्रविधि मन्त्रालयमार्फत गणतन्त्र कोरियाको राष्ट्रिय सूचना समाज एजेन्सी ‘एनआइए’ र पोखरा विश्वविद्यालयबीच एक समझदारीपत्रमा हस्ताक्षर भई वि.सं. २०६८ साल कात्तिक २८ गते पोखरा विश्वविद्यालयमा सूचना पहुँच केन्द्र ‘आईएसी’ स्थापना भएको थियो ।

यस केन्द्रमा एउटा सूचना प्रविधि तालिम प्रयोगशाला, एउटा इन्टरनेट लाउन्ज, एउटा आन्तरिक र अन्तर्राष्ट्रिय कार्यक्रमहरू होस्ट गर्नको लागि सेमिनार कोठा र एउटा प्रशासनिक कार्यालय समावेश छन् । यस केन्द्रलाई प्रविधियुक्त उपकरण, टि.भि., कम्प्यूटर र भिडियो कन्फरेन्सिङ उपकरणहरूका साथै फर्निचर एवम् फर्निसिङ्गले व्यवस्थित गरिएको छ । यहाँ जडित प्रविधिले नेपालमा डिजिटल विभाजनलाई कम गर्न र नेपालीहरूलाई विभिन्न सूचना सञ्चार प्रविधिहरूसँग जोड्न मद्दत गर्नेछ । आईसीटीको विकास दिन प्रतिदिन बढ्दै गएको र यसले कोभिड–१९ पछिको विश्वले आईसीटी पहुँच भएका र नभएकाहरू बीच ठूलो खाडल बनाइरहेको परिप्रेक्ष्यमा यस केन्द्रको मुख्य उद्देश्य आईसीटीमा पहुँच सुधार गर्ने र नेपालको आईसीटी क्षमताहरूलाई सुदृढ गर्ने र सहयोग प्रवर्धन गर्ने लक्ष्य राखिएको छ । यस केन्द्रलाई करिब २ करोडको लागतमा निर्माण गरिएको हो । Read More——-

MoU Pictures: