ई. लेखबहादुर गुरूङ्गप्रति हार्दिक श्रदासुमन !!!

ई. लेखबहादुर गुरूङ्गप्रति हार्दिक श्रदासुमन !!!


२०७७ मङ्सिर ६ गते, शनिबार, पोखरा, कास्की ।
नेपालको ईञ्जिनियरिङ्ग शिक्षाका अग्रज एवम् प्रणेता पोखरा ईञ्जिनियरिङ्ग कलेजका संस्थापक एवम् प्राचार्य ई. लेखबहादुर गुरूङ्गको २०७७ मङ्सिर ६ गते हुन गएको असामयिक निधनप्रति गहिरो शोकसहित हार्दिक श्रदासुमन अर्पण गर्दछौं । उहाँ गत कार्तिक २५ गते उच्च रक्तचापका कारण कलेज प्राङ्गणमा अचानक बेहोस भई काठमाडौं ग्राण्डी अस्पतालमा उपचाररत हुनुहुन्थ्यो । उहाँले पोखरा विश्वविद्यालयको भौतिक पूर्वाधार निर्माण समिति, सभा, ईञ्जिनियरिङ्ग विषय समितिमा रही महत्वपूर्ण भूमिका निर्वाह गर्नुभएको थियो । यस दुःखद घडिमा उहाँले पोखरा विश्वविद्यालयको विकास, विस्तार र प्रबर्धनमा विभिन्न पदमा बसी पुर्याउनुभएको योगदानको उच्च करदसहित सम्मान गर्दै हार्दिक स्मरण समेत गर्दछौं । शोकको यस घडिमा उहाँको आत्माको चिरशान्तिको कामना गर्दै शोक सन्तप्त परिवारजनप्रति धैर्य धारण गर्ने शक्ति प्राप्त होस् भन्ने कामना समेत व्यक्त गर्दछौं ।

 

पोखरा विश्वविद्यालय
लेखनाथ, कास्की