पोखरा, — स्वास्थ्य महाशाखा, पोखरा महानगरपालिकाको मिति २०८२ चैत्र २७ गतेको निर्णयअनुसार शहरी स्वास्थ्य केन्द्र–३० खुदीमा हरेक महिनाको ७ गते सञ्चालन हुँदै आएको नियमित खोप कार्यक्रम अब २०८३ बैशाखदेखि पोखरा विश्वविद्यालय शिक्षण अस्पतालमा सञ्चालन हुने भएको छ।
यसअनुसार पहिलो पटक २०८३ बैशाख ७ गते उक्त अस्पतालबाट खोप कार्यक्रम सुरु गरिने तयारी गरिएको छ। अस्पताल प्रशासनका अनुसार खोप सेवा सञ्चालनका लागि आवश्यक सम्पूर्ण तयारी पूरा भइसकेको छ।
यस कार्यक्रमलाई प्रभावकारी रूपमा सञ्चालन गर्न जनस्वास्थ्य कार्यालय, सम्बन्धित वडा कार्यालय तथा स्थानीय समुदायबाट प्राप्त सहयोग, सद्भाव र समन्वयप्रति अस्पतालले आभार व्यक्त गरेको छ। साथै नेपाल सरकारको नीतिअनुसार खोप सेवा कार्यक्रम अझ सहज, व्यवस्थित र सुदृढ रूपमा सञ्चालन हुँदै जाने विश्वास अस्पतालले लिएको छ।
यस कदमले स्थानीय बासिन्दालाई थप सहज रूपमा खोप सेवा उपलब्ध हुने अपेक्षा गरिएको छ।